DiyarName.Com

Pêşbaziya Çîrokan a Abdullah Duran dest pê kir

9'emîn Pêşbaziya Çîrokan a Abdullah Duran ku ji aliyê Egîtîm-Sena Amedê ve tê lidar xistin dest pê kir. Yên bixwazin div

Diyarname

9'emîn Pêşbaziya Çîrokan a Abdullah Duran ku ji aliyê Egîtîm-Sena Amedê ve tê lidar xistin dest pê kir. Yên bixwazin divê heta roja dawî ya sala 2015'an bigihînin ber destên amadekaran.

Abdullah Duran ê biçûk li Amedê ji aliyê polîsan ve hatibû kuştin. Egîtîm-Sena Amedê ji bo bîranîna Duran her sal pêşbaziya çîrokan li dar dixe. Îsal jî pêşbaziyê dest pê kir. Zimanê pêşbaziyê bi du zimanan kurdî (kurmancî û kirmanckî) û tirkî ye.

Di beşa tirkî de dê Vedat Çetin, Murat Ozyaşar, Ayşegul Tozeren, Sibel Oz û Doguş Sarpkaya endamên juriyê ne. Di beşa kurmancî de endamên lijneyê Îsmaîl Dîndar, Fexriye Adsay, Kristin Ozbey, Servet Ornek û Ferzan Şêr in. Her wiha di beşa kirmanckî de jî endamên juriyê Cafer Yamiş, Bedriye Topaç, Suleyman Yilmaz û Mehmûd Nêşte ne.

Vane şertên pêşbaziyê:

• Zimanê pêşbirkê kurdî (kurmancî,kirdkî) û tirkî ye.

• Çîrok dê ji hêla bikaranîna zimên, wêjeyî, tevin û nirxên mirovane bêne nirxandin.

• Ji hêla mijarê (tema) ve beşdar serbest in.

• Dibe ku ji bo zarokan an jî ji bo mezinan hatibin nivîsandin.

• Divê çîrok bi hêsanî bêne xwendin û heke pêkan be bi riya internetê, yan bi flaş dîskê bigihin ber destê me.

• Divê çîrok berî 31.12.2015’an bigihine ber destê me.

• Çîrokên ji bo pêşbaziyê bigihin ber destê me, li xwediyên xwe nayên vegerandin û mafê Eğitim- Sen Şaxa Amedê heye bi her awayî wan çap bike.

• Li gorî derfetan, çîrokên xelatwergirtî dê çap bibin û dê bêpere li gel bêne belav kirin.

• Di çîrokan de sînorkirina rûpelan tuneye lê çîrok divê li gorî formata çîrokê bin.

• Beşdar, di her zimanekî/zaravayekî de, tenê bi çîrokekê dikarin beşdar bibin.

• Divê berhem li tu deverê nehatibe çapkirin.