Diyarname

Derhênerê navdar ê îranî Cafer Penahî ku çend roj berê li girtîgehê dest bi greva birçîbûnê kiribû, bi şert hat berdan.

Derhêner Penahî ev nêzî 7 mehan bû li Girtîgeha Evîn a Îranê girtîbû, roja 3'yê mehê hat berdan. Jina wî Tahereh Saeedi bi ser hesabê xwe yê instagramê re wêneyê xwe û yê Penahî belav kir û got, "Di roja sisêyan a greva birçîbûnê de, bi xêra malbat, parêzer û nûnerên sînemayê ew bi şert ji Girtîgeha Evîn hat berdan."

Derhêner Cafer Penahî heta niha li festîvalên mezin ên Ewropayê bi fîlmên xwe gelek xelat girtine. Ji van wî, di sala 2000'î de bi "The Circle" li Festîvala Venedîkê Xelata Şêrê Zêrîn, di sala 2015'an de bi fîlmê "Taxi Tehran" li Festîvala Berlînê Xelata Hirça Zêrîn û di sala 2018'an de jî bi fîlmê "Three Faces" li Cannesê Xelata Senaryoya Herî Serketî girtibû. Fîlmê wî yê dawî "Hirç Nîn e" di sala 2022'yan de li Festîvala Fîlman a Venedîkê hat nîşandayîn û Xelata Juriyê ya Taybet girt. Vê demê Penahî girtî bû.

Piştî ku Penahî dest bi greva birçîbûnê kir, ev agahî li dinyayê belav bû û deng veda. Bi vê yekê jî ew hat berdan.

*** 

Nûçeyên Eleqedar:

- Derhêner Penahî dest bi greva birçîbûnê kir 

- Derhêner Cafer Penahî hat girtin