Xalid Etê / ANHA

Şîrketa Rcell, rojên 27-28'ê rêbendanê/çileyê li Hola Zana ya li bajarê Qamişloyê pêşangeha teknolojiyê li dar dixe.

Pêşangeh dê wekî kombûna gelek şîreketên teknolojiyê û berhemên şexsî be û dê bi dehan pisporên teknolojiyê û xwendekarên Zanîngeha Rojava beşdar bibin. Her wiha dê gelek mijar bên nîqaşkirin û têkildarî têknolojiya pêşerojê jî wê diyalog bên kirin.

Der barê pêşangehê de rêveberê Beşa Firotinê ya Şîrketa Rcell Hisên Badilî ji bo ajansa me wisa got: "Armanc ji pêşangehê pêşxistina fikirê teknolojiyê li Bakur û Rojhilatê Sûriyeyê ye, da ku li gorî pêşketinên cîhanê be. Her wiha dê ji bo îcadkaran derfetek be ku îcadên xwe pêşkêş bikin. Şîrket jî dê berhemên xwe yên teknolojiyê mîna  pêşkêş bikin.”

Badilî da zanîn ku di pêşangehê de dê beşek ji bo pêşandana berhem û îcadên xwendekarên Beşa Mekatronîkê ya Zanîngeha Rojava bê veqetandin.