Mêrdîn
Şeva 19’ê mehê ku bi 20’ê mehê ve dihat girêdan saet dor 00.30 li Mêrdînê 5 kesên ji Duhokê hatin kuştin. Kes an kesan bi çekan êrîşê kurdên ji Duhokê kirin û di êrîşê de Ehmed Celaledîn Îbrahîm (44 salî) û diya wî Wehîde Heyder (75 salî), Hacî Ebdullah (65 salî), Çîmen Şahîn (hevjîna Hacî Ebdullah) û keça wan Hindirên Ebdullah hatin kuştin.
Heta niha Waliyê Mêrdînê gotibû ku lêkolîn li ser bûyerê didomin. Heta niha 6 kes hatibûn binçavkirin, 2 kes ji wan piştî îfadeyan hatibûn berdan.
Îro Baroya Mêrdînê eşkere kir ku dozgerî biryara qedexeya belavkirina dosyaya bûyerê daye. Baroyê bûyer bi tundî şermezar kiriye û gotiye ew ji serî de dosyayê dişopînin û gotiye ku divê lêpirsîneke xurt bê kirin û kiryar derxin pêş dadgehên. Baroyê wisa gotiye, “Ji serî de em dozê dişopînin. Ger daxwaza malbatan hebe em dikarin her cude alîkariya hiqûqî bidin wan.”