Diyarname

Wêjegeh Amed ku li Amedê xebatên wêjeyî dike vê mehê çende gotûbêjên bi kurdî xistine nava bernameya xwe. Di bernameyê de nîşandayîna fîlmekî û gotûbêja li ser jî heye.

Li gor bernameya ku hatiye eşkere kirin 6'ê mehê dê kurtefîlmê bi navê "Pîrebok" bê nîşandayîn. Piştî nîşandayînê ligel derhênerî fîlm Lutfu Îrdem dê gotûbêjek çêbibe ku yê rêvebir Roza Erizin û Mahsum Çiçek in. Çalakî saet 19.00'an de dest pê dike.

7'ê mehê bername bi çalakiya "Roja Nivîskar" didome. Di vê bernameyê de Îbrahîm Xort dê li ser pirtûka xwe ya çîrokan "Berojk"ê biaxive. "Berojk" kurtedemek berê ji Weşanxaneya Lîs derketibû. Bername saet 15.00'an de dest pê dike.

Di bernameya diduyan a "Roja Nivîskar" de nivîskar Krîstîn Ozbey bi pirtûka xwe "Sorxêlî" dibe mêvan. Ev bernameya ku nivîskar Şêxo Filîk dê bi rê ve bibe de 15'ê mehê saet 15.00'an de li dar dikeve.
Di nav bernameya Wêjegeh Amed de hin çalakiyên bi tirkî jî hene.