Diyarname
Tam 106 sal berê hemşîreyan ji bo sazkirina peymana kar dest ji kar berdabûn. Û niha careke din wan dest ji kar berda û gelek emeliyetên ku bihatana kirin hatin betalkirin.
Li Îngilistan, Galler û Îrlandaya Bakur ku dikevan nava Brîtanyayê niha çalakiya hemşireyan di rojevê de ye. Ji ber buhabûna tiştan û enflasyonê, ji bo "meaşeke maqûl" hemşîreyan dest bi grevê kir. Li Wê derê NHS'ê (Pergala Tenduristiya Neteweyî) dest bi çalakiyan kiribû, hemşîreyan jî dest bi grevê kir. RCN (Royal College of Nursing) ku hemşîreyan temsîl dike ji bo dest bi grevê bikin yan na dest bi dengdanê kirin, piraniya hemşîreyan dengê erê da û wan dest bi çalakiyê kirin.
Li wê derê dor 300 hezar endamên RCN'ê hene. Ew sedî 19 zemê dixwazin. Li bendê ne ku 100 hezar hemşîre beşdarî vê grevê bibin. Hemşîre radigihînin ku ger daxwaza wan neyê cih 20'ê mehê jî dê grevê bikin.
Tenê li beşên nexweşxaneyên yên wekî beşa nexweşên giran, kemoterapi, beşa lezgîn, diyalîz, beşên krîtîk, beşa zarokanÎnê û pediatrîk dê hemşîre karên xwe bikin, di beşên din de hemşîre dê beşdarî grevê bibin.
Li aliyê din li Îngilistan û Gallerê ji bo zema meaşê rojên 21 û 28'ê mehê ji 10 hezaran zêdetir xebatkar^ne ambulans û beşa lezgîn dê dest bi devê bidin.