Diyarname
Tîma neteweyî ya Îngilistanê ji sala 1966’an ve ev kûpa nebiriya mala xwe. Tam bûye 56 sal û niha, yanê îsal heta ji wan tê zor didin xwe. Yek ji tîma ku herî zêde vê kûpayê dixwaze tîma Îngilistanê ye. Belkî jî ji ber vê yekê ye hema di her maçê de gelek golan diaêjin, di her du maçên dawî de jî 3 bi 3 avêtine.
Maça Kûpaya Cîhanê 2022 ya Dora 16’an hebû di navbera Îngilistan û Senegalê de. Tîma Îngilistanê di maçên koman, di maça yekemîn de 6 gol avêtin Îranê, paşê ligel DYA’yê 0-0 ama, belkî hinekî bêhna xwe da, lê di maça sêyemîn de dîsa 3 gol avêtin ku vê carê reqîb Galler bû. Bi vî awayî hat Dora 16’an. Û di vê maça Dora 16’an de tîma Senegelê bi 3 golan oxir kir. Bi kurtahî di 4 maçên dawî de 12 gol avêtin ku ev ne tiştek ji rêzê ye.
Di deqîqeya 38’an de Jordan Henderson, 45+3 de Harry Kane û di deqîqeya 57’an de Bukayo Saka navê Îngilistanê li ser textê Çarîk Fînalê nivîsandin.
Di Çarîk Fînalê de Îngilistan bû reqîbê Fransayê. Îngilistan di tûrnûvaya berî vê, yanê ya di sala 2018’an de bûbû çaremîn, lê Fransa bûbû şampiyon. Niha her du tîmên mezin di maça çarîk fînalê de maçeke wekî ya fînalê pêşkêşî fûtbolhezan bikin. Ji niha de mirov dikare bibêje maçeke xweş li pêşiya temaşevanan e.
Her du tîm 10’ê mehê saet 22.00’an de ji bo derbasî nîv fînalê bibin dê bên hemberî hev.
Nûçeyên Kûpaya Cîhanê: