Diyarname

Herî dawî di sala 2019’an de li dar ketibû. Di sala 2020’î de ji ber pandemiyê û par ji ber berdewamiya serdema pandemiyê Fûara Pirtûkan a Stenbolê li dar neket. Fûara ku ji aliyê TUYAP’ê ve tê organîzekirin piştî 2 salan deriyên xwe vekirin.

Îsal fûar bi diruşma “Pirtûk vedigerin bajêr li dar dikeve” û wekî mijara bingehîn “Cîhana bi sêhr a pirtûkan” hatiye diyar kirin. 

Fûaran Pirtûkan heta 11’ê mehê bi sed hezaran pirtûkên cur bi cur li ber xwendevanên pirtûkan radixîne. Gotûbêj, panel û îmzekirina pirtûkan hin çalakiyên ji fûarê ne.

Di van salên dawî de ji ber rewşa giran a aboriyê ya li Tirkiyeyê weşanger jî di nav zehmetiyan de ne. Berî fûarê hin weşanxaneyên tirkan eşkere kirin ku ji ber mesrefên fûarê gotin ew nikarin beşdar bibin. Di nûçeya Diyarnameyê de weşangerên kurd ên ku beşdar nabin jî ev mesele anîn ziman. Di nav weşanxaneyên kurdan ên beşdar bûne de Weşanxaneya Nûbihar, Sîtav û Pirtûka Kurdî hene. her wiha Weqfa Îsmaîl Beşîkçî jî stand vekiriye.

Di merasima vekirina fûarê de Serokê TUYAP’ê Bulent Unal, Serokê TYB’ê (Yekîtiya Weşangerên Tirkiyeyê) û Serokê Lijneya Şêwrê yê Fûarê Dogan Hizlan jî hebûn.

Nivîskar Nazli Erya ku îsal wekî Mêvana Rûmetê hatiye diyar kirin jî li fûarê amade bû. Eray heta niha 76 pirtûk derxistine û diyar kir ku ji ber ew wekî mêvana rûmetê hatiye hilbijartin gelek serbilid e 

***
Nûçeyên Eleqedar:

- Lîsteya nivîskarên kurd ên li Fûara Stenbolê 

- Fûara Pirtûkan, weşanxaneyên kurdî yên beşdar dibin û nabin diyar bûn

- Fûara Pirtûkan a Stenbolê tê