Diyarname
2 sal berê, ji mehan meha berfanbarê. Li bajarên kurdan hê berf nebariye lê hewa sar e. Di rewşeke wisa de polîsan bi ser malên siyasetmedar, şaredar, parêzvanên mafên mirovan ên kurd de girt. Encam: 35 kes hatin binçavkirin.
Piştî vê yekê di 26.12.2009'an de ji ew kesên birin girtîgehê 23 kes hatin girtin. Heman rojê ev wêne hat kişandin. Ev wêneyê ku hem li nav rojeva kurdan, hem ya dinyayê deng veda niha du sal li dû xwe hişt û ket sala xwe ya sisêyan. Û hê jî ew kes girtî ne.
Wekî notek: Wê rojê ev kes hatin girtin:
Berdevkê KCD'ê Hatip Dicle,
Serokê DTP'a Amedê parêzer Firat Anlı,
Şaredarê Sûrê Abdullah Demirbaş (Demirbaş paşê ji ber nexweşiya xwe serbest hat berdan, lê hê jî destûr nadin ku ew here derveyî Tirkiyeyê û birîna xwe derman bike)
Şaredarê Kayapinarê Zulkuf Karatekin
Wekîlê Şaredarê Bajarê Mezin ê Amedê Ali Şimşek
Şaredarê Batmanê Nejdet Atalay,
Şaredarê Cizîrê Aydin Budak
Cîgerê Serokê Gişti yê ÎHD'ê û Serokê ÎHD'a Amedê Muharem Erbey, Şaredarê Qoserê Ferhan Turk
Şaredarê Sirûcê Etem Şahin
Şaredarê Wêranşarê Leyla Guven,
Şaredarê berê yê Wêranşarê Emrullah Cin
Şaredarê berê yê Batmanê Huseyin Kalkan
Şaredarê berê yê Pîranê Abdullah Akengin,
Midûrê Giştî yê DÎSKÎ'yê Yaşar Sari
Şaredarê berê yê Erxeniyê Nadir Bingol
Xebatkarê BDP'ê Cebrail Kurt
Kordînatorê Yerel Gundem21'ê Fethi Suvari
Rêveberê Goç-Dera Amedê Abbas Çelik
û Ahmet Makas, Kazim Kurt, Takibe Turgay û Ramazan Debe.


