Diyarname
Nivîskarê rojnameya Cumhuriyetê, rewşenbîrê tirk Server Tanilli roja 29'ê sermawezê wefat kir.

Tamilliyê 80 salî ku profesorê hiqûqa zagona bingehîn bû li mala xwe ya Goztepeya Stenbolê mir. Tanilli di jiyana xwe de li ser rewşenbîriya Tirkiyeyê gelek xebat kiribû, li Tirkiye û Frarsayê gelek ders dabû û heta niha gelek pirtûk weşandibû. Di nav pirtûkên wî de pirtûka "Yuzyillarin Gerçegi ve Mirasi" (Rastiya Sedsalan û Mîrateya wê) ku 5 cild e li ser dîroka mirovahiyê berhemeke sereke ye. Ew li ser cilda 6'an jî dixebitî lê temam nekir.
Server Tanilli ku di sala 1931'ê de hatibû dinê, Lîsteya Haydarpaşayê û dûre Zanîngeha Stenbolê Beşa Hiqûqê xwendibû.
Ji ber "propagandaya komunîzmê" doz lê hatibû vekirin,di sala 1978'an de rastî êrîşeke çekdarî hatibû, ne miribû lê lingên wî felc bûbûn û heta dawiya jiyana xwe ew bi kursiya tekelîn geriya. Hê jî kiryarên êrîşa wî nehatine dîtin.
Hin pirtûkên wî:
- Turkiye’de Aydinlanma Hareketi
- Voltaire ve Aydinlanma
- İslam Çagimiza Yanit Verebilir mi?
- Nasil Bir Egitim İstiyoruz?
- Yaratici Aklin Sentezi
- Nasil Bir Demokrasi İstiyoruz?
- Ne Olursa Olsun Savaşiyorlar”
- Yuzyillarin Gerçegi ve Mirasi (5 cild)