Amed
Hevseroka Giştî ya BDP'ê Gultan Kişanak, parlemantera Amedê Emîne Ayna, Şaredarê Bajarê Mezin ê Amedê Osman Baydemîr, Wekîlê Şaredarê Kayapinarê Mahmut Dag, Endama MP'ya BDP'ê Yildiz Aktaş, Hevserokê BDP'a Amedê Omer Onen, Serokê Rêxistina BDP'a Yenîşehîrê Nîhat Yildiz, Serokê Rêxistina BDP'a Sûrê M. Şah Teke hatin Edliyeya Amedê û bi gotina "ez jî heman sûcî dikim" daxwazname dan dozgeriyê.

Di dema derketiya ji edliyeyê de Kişanak daxuyaniyeke got ku ji 2009'an heta niha li hemberî partiya wan di bin navê KCK'ê de operasyon pêk tên û wisa dom kir: "Rêveberên me yên bajar û navçeyan li gorî fermana me meş û çalakî pêk anîn. Tu aliyê van xebatan ên sûc tune ne. Me ev xebat û çalakî pêk anîn û ji niha û şûnde jî em dê van çalakiyan berdewam bikin. Ez hêvî dikim ku ev hewldana me dê rast bê famkirin. Hêvidarim ku ev gava me dê rê li pêşiya siyaseta demokratîk veke. Dê rê li pêşiya aştiyê veke. Em bang li her kesî dikin ku li siyaseta demokratîk xwedî derkevin. Hêvîdarim ku dê pirsgirêk bi diyalog, demokrasî û muzakereyan çareser bibe."