Diyarname
Vê êvarê saet 21.23'ê de li Edremîda Wanê bi mezinahiya 5.6 erdhejek pêk hat. Di vê erdhejê de 2 odel û dersxaneyek jî di nav de 18 avahî hilweşiyan.

Li gor nûçeya TRT'ê 3 cesed ji bin avahiyên hilweşiyayî hatin derxistin.

Ajansa nûçeyan Reutersê li gor agahiyan Lêkolînên Jeolojîk a Amerîkayê got ku mezinahiya erdhejê 5.7 e.

Di nav avahiyên ku hilweşiyane de Otela Bayram heye ku 5 qatî bû. Di avahiyê de zêdetir tûrîstên ji Îranê dihatin diman.
Li çar avahiyan ji bo rizgarkirina kesan lêgerîn didome. Ji nav avahiyên hilweşiyayî 14 kes bi saxî hatin derxistin.

Serokê Navenda Şopandina Erdheja Neteweyî ya Rasatxaneya Kandîlî Dogan Kalafat got ku bila gel nekeve avahiyên ketine bin bandora erdhejê.