Parlamena Iraqê îro bi beşdarbûna Serokwezîrê Iraqê Heyder Ebadî û çend wezîran li ser biryarên li dijî Herêma Kurdistanê civiya.

Di civînê de ji aliyê parlamentoyê ve 13 biryar li dijî Herêma Kurdistanê hatin girtin.

Biryarên hatine girtin wiha ne;

1- Referandûma Herêma Kurdistanê neyasayî ye. Berevajiya madeya 1 ya destûra Iraqê ku yekrêziya xaka Iraqê digre nava xwe. Divê were betalkirin.

2- Pêwîst e hemû hêzên çekdarî yên Iraqê ji bo parastina yekrêziya Iraqê, bi destûrê ve girêdayî bin, li herêmên bi nakok û Kerkûkê bi cih bin.

3- Pêkanîna biyara asayîşa niştîmanî, bi taybet biryara şopandina dadgehkirina ew berpirsên referandûm pêk anîne. Di nav de serokê desthilatdariya Herêma Kurdistanê jî heye ku dema wî ya serokatiyê bi dawî bûye, li gorî yasa Iraqê were dadgeh kirin.

4- Hemû nukteyên sînor ên di qontrola desthilata Herêma Kurdistanê de ne werin girtin.

5- Hemû bîrên petrolê yên li Kerkûkê û herêmên bi nakok werin qontrolkirin û li wan herêman ji destê hizbî derkevin.

6- Pêkanîna biryarên her sê desthilata yasayê, ku yek ji biryaran dûrxistina Waliyê  Kerkûkê Necmedîn Kerîm ji erkê ye.

7- Hikûmet daxwazê ji hemû dewletan dike ku konsolosxane û nûnerên xwe ji Herêma Kurdistanê vekişînin.

8- Daxwazê ji Birêz Serokomarê Iraqê dikin ku erkê li ser milê xwe pêk bîne, li gorî madeya 67'an a parastina yekrêziya xalak Iraqê û asayîşa niştîmanî.

9- Ji bo vegera koçberan kar bê kirin û hemû pêwîstiyên van bên dayîn.

10- Hemû karmendên kurd ên beşdarî referandûmê nebûne karê xwe berdewam bikin.

11- Israrkirina li ser pêkanîna stratejiyekî lihevkirina niştîmanî ya li ser bingehê dana girtina dest ya nasnameya niştîmanî ya gelê Iraqê.

12- Parastina pêwendiyên niştîmanî û civakî li gel kurdan, ji ber ku pêkhateya sereke, pêkhateya ereb e.

13- Heya referandûm neyê betalkirin wê hikumeta Iraqê qet guftûgoyê nepejirîne. 

BEXDA/ROJNEWS