Diyarname

Serokê Federasyona Fûtbolê yê Ûkraynayê (FFÛ) Andriy Pavelko got ki lu welat hemû lîgên li welat di meha gelawêjê de ji nû ve dest pê dikin.

Ji ber şerê Rusya û Ûkraynayê li Ûkraynayê navber dabûn lîgan. Serokê FFÛ’yê îro got dê lîg ji nû ve dest pê bikin lê got ku nediyar e dê ewlehiya maçan çawa saz bikin.

Pavelko wisa got, “Di hevdîtina ku ligel Volodymyr Zelensky me saz kir de me got fûtbol me ji şer dûr dixe. Ji zarokan heta extiyaran her kesî bala xwe daye ser şer. Her roj li ser şer em agahiyên xirab digirin. Ji ber vê yekê  me li ser hêza fûtbolê û li pêşerojê nêrîna mirovan xeber da. Li ser vê me biryar da ku hemû ligî di meha gelawêjê de dest pê bikin. Emê ligel endamên ewlehiyê baivixin û emê maçan çawa bi awayekî bi ewle li dar bixin emê biryarê bidin.”

Piştî destpêkirina şer lîg hatibû rawestandin û niha ji cihê mayî dê lîg dest pê bike.

ÛKRAYNA TÊK ÇÛ

Li aliyê din îro di navbera Ûkrayna û Galler de maça play-offê ji bo Kûpaya Cîhanê hebû. Ûkrayna bi 1-0 têk çû û vegeriya mala xwe. Galler dê here Kûpaya Cîhanê.