Diyarname

UEFA’yê yekem car Lîga Konferansê saz kir hu di encama maçan de îro maça fînalê hebû. Roma bi ser ket.

Tîma Hollandayê Feyenoord û tîma Îtalyayê Roma hatbûn fînalê. Teknîk Dîrektorê Romayê Jose Mourinho ku di koleksiyona wî de gelek kûpa hebûn yeka din li van zêde kir, bi Romayê kûpayeke din bi dest xist.

Maç li Stada Air Albania ya welatê Albeniayhe bû. Tekane gola li maçê di deqîqeya 32’yan de Nicolo Zaniool li ser navê tîma xwe avêt. Nîveka yekemîn û 90 deqîqeyên maçê de wekî din tu deng ji tîman nehat û Romayê kûpa bir mala xwe.

Ev yek di heman demê de yekemîn kûpaya Roma bû ku li Ewropayê girt. Ji ber ku heta niha Roma di kûpayên Ewropayê de qet bi ser neketibû û kûpa negirtibû. Bi vê serketinê hem Roma dîrokek nû nivîsî, hem teknîk dîrektorê wan bû xwedî dîrokek nû.

MOURINHO DÎROK NIVÎSÎ

Teknîk dîrektorê Romyê Jose Mourinho di salên dawî de stêrka teknîk dîrektoriya wî tefiyabû û loma dihat rexnekirin. Roma jêre deriyek bû, yan tam dê daketan yan jî carek din bibiriqiya. Romayê lîg wekî 6’emîn temam kir û bilêta Lîga Ewropayê girt. Lê bi vê kûpayê wî û tîma wî kêwek mezin bi dest xist. Bi taybetî jî Mourinho. Bi vê serketinê Mourinho dîrokek din li dîroka xwe kir. Wî berê di Lîga Ewropayê de du caran kûpa bi dest xistiye ku wê demê teknîk dîrekterohê Porto û Manchester Unitedê bû. Dîsa di Lîga Şampiyonan de du caran bi ser ket ku teknîk dîrektorê Porto û Interê bû. Û niha kûpaya Lîga Konferansê girt. Bi vê yekê bû yekemîn teknîk dîrektor ku her sê kûpayên UEFA’yê girtine. 

REWŞA FÎNALÊN DIN
UEFA ji bilî Lîga Konferansê du tûrnûvayên din jî li dar dixe. Tûrnûvaya herî mezin Lîga Şampiyonan e. Di vê lîgê de maça fînalê roja 28'ê mehê di navbera Liverpool û Real Madrîdê de dê bê lîstin. Di kûpa 2 ya UEFA'yê ku navê wê Lîga Ewropayê ye de maça fînalê 18'ê mehê hat lîstin. Maça di navbera Frankfurt û Rangers de bi 1-1’ê bi dawî bû, lê bi penaltiyan Frankfurtê bi 5-4 kûpa bi dest xist.