Diyarname

Dîzaynkar, hunermend Denîz Dogan bi navê “Bajarek: Cizîr” pêşangeha wêneyan vekir. Pêşangeh heta 17’ê mehê vekiriye.

Di pêşangehê de bi giştî wêneyên jin û zarokan hene û ligel wan ji nav jiyanê wêne hene. Pêşangeh li Navenda Hunerên Hemdem a Dogan Taşdelen a Şaredariya Çankayaya Enqereyê li dar ketiye. Pêşangeha ku 10’ê mehê vebû, heta 17’ê mêhê li dar e.

Hunermend Dogan li ser meseleyê wisa gotiye, “Dema min li Cizîrê wêne dikişandin ligel hemû zehmetiyan di çavên jin û zarokan de her hêvî hebû, min ew hîs kir. Cizîrê bi dewlemendiya xwe ya dîrokî û çandî gelek medeniyet girtiye hembêza xwe, min xwest bi nêrîna ji ‘hundir’ ve vê nîşan bidim. Min xwest bikevim kolan, kuçe û hewşên Cizîrê.”