Diyarname

Festîvala Filmên Kurdî ya Parîsê îsal di navbera 4-7’ê de li dar dikeve. Di festîvalê de gelek fîlmên derhênerên kurd ên metrajdirêj, kurtefîlm û belgefîlm hene.

Festîvala Fîlmên Kurdî ya Parîsê îsal 2’yemîn car dê li dar bikeve.  Festîval salona ‘’Centre Wallonie-Bruxelles’’ ya li Parîsê li dar dikeve. 4’ê gulanê saet 19’an de bi nîşandayîna fîlmê derhêner Mano Xelîl ê bi navê “Cîran* dê dest pê bike û 7e gulanê saet 20’an de bi nîşandayîna fîlmê derhêner Şewket Emîn Korkî ê bi navê “Ezmûn” bi dawî bibe. Ji bilî van di nav bernameyê de fîlmên metrajdirêj ên wekî “Klama Dayika Min” (Derhêner Erol Mîntaş), “Xalko” (Derhêner Sami Mermer et Hind”, “Govenda Alî û Zîn* (Derhêner Mehmet Ali Konar), “Bîranîna Hepsê Reş” (Derhêner Şahram Alidi) hene. Belgefîlmê Rûken Tekeş ê li ser Heskîfê û dor deh kurtefîlm di nav bernameyê de ne.

Festîvala ku dike sînemagerên kurd bîne cem hev û fîlmên kurdî pêşkêş bike bi piştgiriya Enstîtuya Kurdî ya Parîsê û Komeleya Sînemayê ya Franko-kurd ‘’CinéBej’’ tê sazkirin. Her wiha Wezareta Çandî û Şaredariya Parîsê jî piştgirî dide festîvalê.

Bilêtên fîlman bi 5 Euroyî têne firotin. Lê yên bixwazin ji bo her sê rojan bilêtan bikirin, bi temamî 15 Euro ye ji bo 3 rojan. Bilêtên fîlman li gîşeyê têne firotin.

Va ye navnîşan:

Centre Wallonie- Bruxelles

46 Rue Quincampoix

75004

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.

***

MAIL: diyarname@diyarname.com