Diyarname
Abdullah Yilmaz nivîskarekî ye û heta niha çend pirtûkên wî bi kurdî derketine. Di heman demê de ew girtî ye û li Girtîgeha Tîpa W ya Kirklar a Bûcaya Îzmîrê ye. Niha ji ber pirtûkên wî doz li wî hat vekirin, ew xistin hucreyê.
Li ser vê yekê Pena Kurd nûçeyeke belav kir. Li gor agahiyên ku Pena Kurd ji malbata wî girtine bi îdîaya “propagandaya rêxistinê” ji ber pirtûkên wî doz li wî hatiye vekirin.
Heta niha çend pirtûkên wî derketine lê niha “Rêça Li Ser Berfê” û “Wêneyek Veşartî” kirine sedema dozê.
Yilmaz dema ji hundir pirtûka xwe "Wêneyek Veşartî" nivîsîbû û ji bo çapê şandibû derve û pirtûk di sala 2013'an de hatibû çap kirin, lê rêveberiya girtîgehê nehiştibû pirtûk bikeve hindurê girtîgehê. Yanê nivîskarê ku pirtûk bi xwe nivîsîbû pirtûka xwe nedîtibû.
Li aliyê din ew demek berê li Girtîgeha Rihayê bû, ew sirgûnê Îzmîrê kirin. Niha malbat dixwaze raya giştî xwedî li wî derkeve.
Abdullah Yilmaz kî ye?
Abdullah Yilmaz di sala 1963’yan de li navçeya Dihê ya Sêrtê hatiye dinê. Ew ligel malbatê di sala 1974’an de ji Dihê koçî Êlihê dike. Di salên 90’î de ji ber zordarî diçe çiyê. Di sala 1995’an de bi birîndarî tê girtin û ji wê demê ve girtî ye. Ew niha li girtîgeha Îzmîrê ye.
Heta niha ev pirtûkên wî derketine:
- Rêça li ser berfê, çîrok
- Jan û Jîn, roman
- Derba Xencerê, roman
- Pirtûka Jiyanê, roman
- Wêneyek Veşartî, Çîrok,