Diyarname
Piştî erdheja Wanê temamê televîzyonan weşana zindî kir, lê têde sansur jî hebû, gotinên nijadperest jî.
Gotinên hemşîreyek û rastiya bûyerê
Di çapameniya tirk de piştî erdhejê her nûçeyên "rayedar xwe digihînin wanê, alîkarî kete rê" hatin weşandin lê êvarê Hemşîre Eda Kizoglu ku li Nexweşxaneya Dewletê ya Wanê dixebite beşdarî kanala televîzyoneke bû û got: "Digel ku nîvrokî erdhej çêbû jî heta vê saetê hê jî alîkarî ji bo me nehatiye. Morg tije tirm in. Ji bo em pêl li tirman nekin em bi zorê dixebitin. Li nexweşxaneyê elektrîk nîn in, em bi cihê ku lê jenerator hene dikin ku alî birîndaran bikin. Ji nexweşxaneyên derdorê dixtor, hemşîre û ambulans hatin, wekî din tu alîkarî nehat. Em bang li rayedaran dikim. Êdî bila destê alîkariyê dirêj bikin."
Duygu Canbaşa nijadperest
Di heman demê de, dîsa êvarê pêşkêşvana Haber Turkê Duygu Canbaş gotina xwe ya nijadperest anî ziman: Canbaş wisa nûçe weşand: "Her çiqas erdhej li Wanê çêbûbe jî em xemgîn bûn." Li ser vê yekê di nav tora înternetê de reaksiyon hatin nîşandrayîn.
Çapemenî BDP'yiyan û şaridariyê nabîne
Heta niha li Tirkiyeyê li ciheke erdhej çêbûbe çapemenî ji walî, şaredar û rayedarên din agahî girtine. Di erdheja Wanê de ne ajansek, ne jî televîzyonek xwe negihand Şaredariya Wanê ya BDP'yî û ji wan tiştek nepirsî, ne jî lê nêrî ku şaredarî ketiye nav rizgarkirin û xebatê yan na...
Di heman demê de televîzyon û ajansên ku ji cihê bûyerê agahî radigihand, xwe gihandin mebûn AKP'ê, her wiha mebûsê CHP'ê Sezgin Tanrikulu ku çûbû Wanê jê agahî standin, lê yekê jî serî li gotinên BDP'yiyan neda, digel ku hem Şaredarî yê BDP'ê ye, hem Hevserokê BDP'ê Selahattin Demirtaş û mebûsên BDP'ê li Wanê bûn. Vê yekê jî rewşa çapemeniya tirk baştir nîşan da.
***
Nûçeyên eleqedar:
- Li ser erdheja Wanê agahiyên nû
- Şaredariyên BDP'ê ji bo Wanê seferber bûn
- Saet 19.00: Li Wanê hejmara miriyan zêde dibe
- Şaredarê Erdîşê: Em bi lezgînî li benda alîkariyê ne
- Dîroka erdhejên ku li Wanê pêk hatine
- Saet 16.00: Agahiyên dawî li ser erdhejê
- Saet 15.00: Li Wanê 50 birîndar hene
- Saet: 13.61, li Wanê erdhej çêbû