Diyarname
Ji bo bîranîna Şerzan Kurt îsal 11'emîn car Pêşbaziya Xelata Çîroka a Şerzan Kurt hat li dar xistin û niha serketiyên îsal hatin eşkere kirin.
Egîtîm-Sena Batmanê ev 11 sal in ji bo bîranîna Şerzan Kurt ê di 12'yê gulana 2010'an de hat kuştin pêşbaziyê li dar dixe. Amadekarên pêşbaziyê serketiyên îsal eşkere kirin.
Di beşa Pêşbaziya Çîrokê Beşa Kurdî de endamên juriyê ji Rengîn Kardelen, Burhan Tek, Mûrad Dildar, Ferhadê Mihemed, Çorê Arda û Omer Kurt (Bavê Şerzan Kurt e, tevlî dengdanê nebûye) pêk dihat. Juriyê çîroka Serdar Komurcu ya bi navê “ŞIBAKE” hêjayî xelatê dît.
Di beşa pêşbaziya tirkî de jî endamên juriyê ji Birgul Sevinçli, Gamza Guler, Suzan Bilgen Ozgun, Menekşe Toprak, Şengul Can û Nejla Kurt (Diya Şerzan Kurt e, tevlî dengdanê nebûye) pêk dihat. Juriyê çîroka “Pirinçler, Uzumler ve Ben” a Mehmet Ali Elçîn û çîroka “Çunku Dunya” ya Î. Usame Yordem hêjayî xelatê dît.
Amadekarên pêşbaziyê ji ber xebatên wan ên li ser ziman û folklora kurdan Weşanxaneya Wardozê jî hêjayî Xelata Kedê dît.
Par ji ber vîrusa koronayê mesarima xelatdayînê ya pêşbaziyê li dar neket, amadekaran xelatên kesên serketî ji bo wan şand. Îsal hê dema merasimê nehatiye eşkere kirin.
Şerzan Kurt di dema ku li Zanîngeha Mûglaya Tirkiyeyê dixwend, di 12'ê gulana 2010'an de di dema bûyerên xwendekaran de bi çek hat kuştin. Egîtîm-Sena Batmanê ji wê demê de li ser navê wî pêşbaziya çîrokan li dar dixe.