Diyarname

Xelata wêjeyê ya bi navê "Planeta" dan nivîskara bi navê Carmen Mola ku li Spanyayê bûye wekî nivîskareke serketî. Heta niha her kesî dizanî ku Carmen Mola nivîskareke jin e lê tam dema diyarkirina xelatê derket holê ku 3 mêran bi hev re pirtûk nivîsîne û wekî nav jî Carmen Mola hilbijartine.

Merasima xelatdayînê 15'ê mehê êvarê li dar ket. Carmen Mola ji bo girtina xelata xwe vexwendin ser dikê lê sê kesên bi navên  Antonio Mercero, Jorge Diaz û Agustin Matinez derketin ser dikê.

Pirtûkên Carmen Mola ên bi navê "La novia gitana", "La red purpura" û "La Nena en Alfaguara" heta niha gelek hatibûn firotin û di warê firotinê de gihîştibûn asteke bilind, lê kesî nedizanî ev Carmen Mola kî ye. Çapemeniya spanyol texdîn dikir ku ew li Madrîdê mamosteyeke dibistarê ye lê derket holê ku 3 mêran ew nav wekî mehles bikar aniye. Di merasima xelatgirtinê de wan wisa got: "Tu demê me li pişt jinantî xwe veneşart. Piştî me xwe li pişt veşartibû navek bû." Her sê nivîskaran eşkere nekir ku dê bi vî navî nivîsandina pirtûkan bidomînin an na.

Piştî bûyer derket holê pirtûkxaneyeke femînîst a li Madrîdê eşkere kir ku ew dê pirtûkên Mola êdî nefiroşin.