Diyarname

Ev 200 roj in Nobeta Edelatê didode. Ji roja pêşî heta îro çi qewimî? Va ne gav bi gav heta îro:

- 14.06.2018: Berendamê mebûsiyê yê AKP'ê Îbrahîm Halîl Yildiz ligel kesên cem çû dikanên esnafên ku piştgirî didin HDP'ê. Esnafan bertek nîşan3 iwan dan. Nîqaş çêbû û AKP'yiyan gule bera esnafan da. Li cihê bûyerê Celal Şanyaşar tê kuştin. Birayê wî Adil Şenyaşar radikirn nexweşxaneyê û li wir dimire. Bavê wan Haci Esvet Şenyaşar li nexweşxaneyê bi lînckirinê tê kuştin. Li nexweşxaneyê bi tûpa oksîjenê li Mehmet Şenyaşar dixin, ew jî li wir tê kuştin.

- Heman rojê 4 endamên malbata Şenyaşar ku piştgirî didan HDP'ê tên kuştin. Di dema pevçûnê de birê Îbrahîm Halîl Yildiz ê bi navê Mehmet Alî Yildiz birîndar dibe û li nexweşxaneyê dimire.

- Ev 3 sal in lêpirsîneke cidî nehatiye çêkirin. 3 sal in dadgeh dosyayê ji parêzer û malparê vedişêre.

- Ligel ku lêkolîneke baş nehatiye kirin, ligel ku berpirs hemû derketine holê jî dadgehê roja 2'yê avrêla 2021'ê de biryar da. Fadil Şenyaşarê girtî ligel ku ji malbata wan 4 kes mirin jî bi 37 sal cezayê hepsê hat cezakirin. Ji aliyê din birê mebûsê AKP'ê Enver Yildiz bi 18 salan hat cezakirin.

- Li ser bêedaletiyê Emine Şeryaşar ligel kurê xwe Ferit Şenyaşar (Ew jî di bûyerê de birîndar bûbû) roja 9'ê adana 2021'ê li ser Edliyeya Rihayê "Nobeta Edelatê" da dest pê kirin.

- Di dema vê Nobeta Edelatê de her du Şenyaşarî gelek caran hatin binçavkirin. Cara pêşî hê di hefteya yekemîn de, roja 16'ê adarê hatin binçavkirin ku sedem jî "heqareta li rayedaran". Di roja 17'an a Nobeda Edaletê de bi sedema "muxalefeta li zagona meş û çalakiyan a bi hejmara 2911'an" hatin binçavkirin û heman rojê hatin berdan. Dûre 31'ê adarê, 2'yê avrêlê, 14'ê tîrmehê hatin binçavkirin. 

- 12'yê gelawêjê ji ber pankarta ku li bariyeran daliqandiye cezayê pereyan li Ferit Şenyaşar birîn.

- Ligel berpirsiyariya komkujiyê jî bi îdîaya heqaret li mebûsê AKP'ê Îbrahîm Halîl Yildiz kiriye derbarê Emine Şenyaşar de doz lêpirsîn hat vekirin. Dadgeh dixwaze 4 sal cezayê bide Emine Şenyaşar.

- Heta niha Hevserokên DBP'ê Bedran Ozturk û Saliha Aydeniz, Hevseroka HDP'ê Pervin Buldan jî di nav de gelek siyasetmedar, parêzer, endamên saziyên sivîl çûn serdana nobeta wan.

- Îro roja 200'emîn a Nobeta Edelatê bû. Ji bo vê yekê Serokên Baroyên Amed û Rihayê jî di nav de 200 parêzer çûn cihê Nobeta Edelatê û nobet girtin; dengê daxwaza edaletê bilindtir kirin. 
***

Nûçeya Eleqedar:

- 200 parêzer li Nobeta Edaletê ya Şenyaşarê ne