Diyarname

Par semedê vîrusê korona merasim nêviraziya la emsar merasimêke pîl qeybî vilakerdişê xelatanê MTV VÎdeo Muzîkê ê 2021'yinan viraziya.

Doja Cate pêşkêşvaniya merasimî kerd û dimara zî performansê ke pêşkêş kerd.

Di şewe de Camila Cabello, Justin Bieber, Lil Nas X zî veciyay sehne û şov kerdî. Di deyrvajê bi name û veng Jennifer Lopez û Madonna zî surprîz kerd û veciya sehne.

Di şewey xelatan de Justin Bieber di 6 hetan ra bibîbî verendamê xelatan û ew hetê Deyrvajo Serkewte yê Sere de xelate girote. BTS zî bi xelatey Koma Serkewte ay Sere hamî xelatkerdişî. Xelatê zehfî deyrvaca newî Olivia Rodrigo girotî. Rodrigo bi 3 xelatan bi ser kewte.

Fermo henî xelatê hamey vetişî:

- Deyrvaco Serkewte yê Sere: Justin Bieber

- Koma Serkewtî ay Sere: BTC

- Deyrvaca Newî a Serkewtî ay Sere: Olivia Rodrigo

- Dêrey Sere: Drivers License / Olivia Rodrigo

- Performansê Push: Drivers License / Olivia Rodrigo

- Klîbê Sere:  Lil Nas X – MONTERO (Call Me By Your Name)

- Dêrey Rockî: John Mayer – Last Train Home

- Dêrey K-Pop a Sere: Butter / BTS