Diyarname

Li Rojhilat, li bajarê Neqedê azeriyekî êrîşê kurdekî kir û ew kuşt. Li Hewlêrê jî êzên Îranê siyasetmedarekî ji Rojhilat hat kuştin.

Azeriyekî kurdekî, hêzên rejîmê jî kurdekî din kuşt
Li bajarê Neqedê ciwanekî azerî yê bi navê Yunis Qadirî êrîşê kurdan kir û kurdek bi navê Wirya Îbrahîm kuşt. Paşê hêzên rejîmê jî kurdekî ji çalakgeran kuşt.

Li gor nûçeya Rojnewsê, Qadirî yê azerî  Wirya ÎBrahîm kuşt. Li ser vê yekê kurd daketin kolanan û li ber avahiya polîsan bûyer şermezar kirin. Polîsên ku Yunis Qadirî birçavkiribûn ew ji wir revandin birin cihek din. Di heman demê de gelek azerî jî dijî kurdan daketin kolanan. 

Hêzên rejimê êrîşê kurdên çalakî protesto dikirin kir û kurdekî bi navê Mihemed kuştin. Şahidan got ku hêzên rejimê ji dêvla ku êrîşê koma nijadperest bike, êrîşê kurdan kiriye.

BABAXANÎ YÊ HDK'YÎ HAT KUŞTIN

Li aliyê din 6'ê mehê endamê Komîteya Navendî yê Hizba Demokrata Kurdistanê (HDK) ya Îranê Mûsa Babaxanî li Hewlêrê hat kuştin. HDK'ê bi daxuyaniyeke eşkere kir ku Babaxanhi li Otela Gula Suleymanî ya li Hewlêrê bi îşkenceyên giran hatine kuştin.

Di daxuyaniyê de hat gotin ku hêzên Komara Îslamî ya Îranê ew bi îşkenceyê kuştine.

Mûsa Babaxanî di sala 1981'ê de hatibû dinê, ji sala 1999'an ve di nav HDK'ê de kar dikir.