DiyarName.Com

Festîvala Fîlman a Navneteweyî ya Stenbolê bi merasima xelatdayînê bi dawî bû. Di festîvalê de fîlmê derhêner Emre Erdog

Diyarname

Festîvala Fîlman a Navneteweyî ya Stenbolê bi merasima xelatdayînê bi dawî bû. Di festîvalê de fîlmê derhêner Emre Erdoga "Beni Sevenler Listesi" (Lîsteya yên ji min hez dikin) wekî Fîlmê Herî Serketî hat hilbijartin û Xelata Laleya Zêrîn girt. Serlîstikvanê fîlmî Halil Babur jî xelata Lîstikvanê Herî Serketî girt. Fîkret Reyhan xelata Derhênerê Herî Serketî, Senaryo û xelata Fibresci jî girt.

Festîvala Fîlman a Navneteweyî ya Stenbolê îsal 40'emîn car li dar ket. Festîvala ku her sal di meha avrêlê de li dar diket îsal jî ji ber pandemiyê rewş guhart. Festîvalê fîlm li çar mehan parve kirin û ji meha avrêlê ve her meh fîlmên festîvalê bi ser online re pêşkêş kirin. Fîlmên Pêşbaziya Neteweyî jî li salonê nîşan dan. Û îşev bi xelatdayînê heta salek din deriyê festîvalê girtin.

ÇEPIK JI BO BELKIS OZENER

Merasima xelatdayînê li Hiltona Harbiyeyê li dar ket û dîrektorê festîvelê Kerem Ayan bi rê ve bir.

Pêşî plaket dan sponsoran û dûre xelatên rûmetê dan. Xelata rûmetê ya Çetîn Înanç biribûn mala wî dabûn wî, yên din li mesarimê hatin belavkirin. Stranbêj Belkis Ozener ku bi dehan salan ji bo fîlmên Yeşîlçamê stran gotibûn bi Xelata Rûmetê hat xelatkirin. Mêvan ji bo Ozener rabûn ser piyan û li çepikan dan. Ozenera ku hestiyar bû, piştî spasî got, "Ez di 64 saliya xwe de navdar bûm. 40 salan min stran ji bo fîlman xwendin lê ji bo ez nekevim pêş wan min rojek qal nekir." Dûre lîstikvanê Yeşîlçamê Suna Selen û Salih Guney jî hatin xelatkirin.

'BENİ SEVENLER LİSTESİ' LALEYA ZÊRÎN GIRT

Xelata herî mezin a festîvalê Laleya Zêrîn e ku fîlmê derhêmner Emre Erdogdu "Beni Sevinler Listesi" ev xelat girt. Di festîvalê de Fikret Reyhan bi fîlmê xwe "Çatlak" Xelata Derhênerê Herî Serketî girt. Li aliyê din Reyhan "Xelata Senaryoya Herî Serketî" û "Xelat Fipresci" jî girt.

Derhêner Serhat Karaaslan ku bi kurtefîlmê xwe "Suçlular" di pêşbaziyê de bû wî jî Xelata Kurtefîlmê Herî Serketî girt.

Va ne hemû xeyatên di şevê de hatin belavkirin:

PÊŞBAZIYA NETEWEYÎ:

- Fîlmê Herî Serketî: "Beni Sevenler Listesi" (Derhêner Emre Erdogdu)

- Derhênerê Herî Serketî: Fikret Reyhan (Bi fîlmê "Çatlak")

- Xelata Taybet a Juriyê: "Sen, Ben, Lenin" (Derhêner Tufan Taytan)

- Lîstikvana Herî Serketî (Dan tu lîstikvanan:

Asiye Dînçsoy (Bi rola di "Dirlik Duzenlik" de)

İlayda Elif Ehlil (Bi rola di "Sardunya" de)

- Lîstikvanê Herî Serketî: Halil Babur (Bi rola di "Beni Sevenler Listesi" de)

- Senaryoya Herî Serketî: "Çatlak" (Fikret Reyhan)

- Derhênerê Herî Serketî: Orçun Ozkiliç (Sardunya)

- Vesazkirina Herî Serketî: Evren Luş (Cemil Şov)

- Muzîka Herî Serketî: Deniz Cuylan, Brian Bender

- Xelata Fipresci: "Çatlak" (Fikret Reyhan)

- Xelata Fîlmê Pêşî ya Seyfi Toraman: "Sardunya" (Derhêner Çagil Bocut)

BELGEFÎLM

- Belgefîlmê Herî Serketî: "Anima" (Derhêner Yusuf emre Yalçin)

- Xelata Mansiyonê: "Nosema" (Derhêner Etna OZbek)

- Xelata Mansiyonê: "Ruzgar Tani" (Derhêner Sîdar İnan Erçelîk)

KURTEFÎLM

- Xelata Taybet a Juriyê: "Surgunde Bir Yil" (Derhêner Malaz Usta

- Kurtefîlmê Herî Serketî: "Suçlular" (Derhêner Serhat Karaaslan)

PÊŞBAZIYA NAVNETEWEYÎ:

- Xelata Fîlmê Serketî: "Madelena" (DerHêner Madiano Marcheti)

- Xelata Taybet a Juriyê: "Bekaretinin Sonu" (Derhêner George Peter Barbari)

- Xelata Taybet a Juriyê: "Nemesis" (Derhêner Thomas Imbach)

- Xelata Fipresci: "Bekaretinin Sonu" (Derhêner George Peter Barbari)

*"Beni Sevenler Listesi" (derhêner Emre Erdogdu) Xelata Fîlmê Herî Serketî girt. Lîstikvanê fîlm Halil Babur jî Xelata Lîstikvanê Herî Serketî girt.
*Derhêner Fikret Reyhan bi fîlmê xwe "Çatlak" hem Xelata Derhênerê Herî Serketî, hem Xelata Fipresci girt.*Derhêner Serhat Karaaslan bi "Suçlular" Xelata Kurtefîlmê Serketî girt.