Diyarname

Kovara "Kurt Tarîhî" ku sê mehan carek derdikeve hejmara xwe ya nû, hejmara 44'an hinek bi derengî be jî derxist.

Kovara Kurt Tarîhî bi tirkî weşanê dike, nivîsên kurdî jî diweşîne. Kovarê di hejmara xwe ya avrêl-gulan-pûşperê de wêneyê Şêx Mehmûd Berzencî kiriye berg. Di vî warî de Husnu Gurbey û Mahsuni Gul bi hev re nivîsa "Nêzîkbûna hev a Hikumeta Enqereyê û Şêx Mehmûd Berzencî" nivîsandiye. Piştî agahiyên li ser meseleyê, tehlîla dawî wisa kirine, "Ger Şêx Mehmûd hinek nerm û bi xweşbîn tevbigeriya, her tişt neba jî dê bigiha piraniya armancên xwe. Aliyê wî yê feodal û pozbilindiya wî bû sedem ku hem ew, hem başûrê Kurdistanê winda bike."

Kovarê di hejmara borî de li ser têkiliyên kurd-yewnanan dosyayeke amade kiribû û di ve hejmarê de jî ev dosya domandine. Di dosyaya vê hejmarê de Murat Issi û Tahixan Giravî her yekî bi du nivîsan cih girtiye. Her wiha berdewama nivîsa Nasruddewle Mardux hatiye weşandin

Ji nivîsên din Firat Aydinkaya dest avêtiye mijareke rojevî. Di van demên dawî li ser "Mafê şeva yekemîn" nîqaş hatibûn kirin û kurd hatibûn tawanbarkirin. Nivîskar Firat Aydinkaya bi navê "Li nav civaka kurd 'Mafê şeva yekem'" nivîseke dirêj nivîsandiye û mesele girtiye dest.

Her wiha Adnan Kegî jî bi sernavê "Kurd: Di arşîva dîplomatîk a fransiz de derketina holê ya nijadperestiya kurdan (1874-1945)" nivîseke nivîsiye.

Ji bilî du nivîsên bi kurdî yên di dosyayê de, nivîseke din jî bi kurdî hatiye weşandin ku a jî ya lêkolîner Rohat Alakom e. Alakom meseleya "Serpêhatiya levhayeke kincên rojhilatê" girtiye dest. Di levhayê de wêneyê "Fatima Reş" û leşkerên wê heye.

Ji bo têkilî û xwestinê:

Tel 0212 245 81 43

GSM 0541 391 81 49

E-mail kurttarihi2017@gmail.com

www.kurttarihidergisi.com