Diyarname

Kovara Dilopê ku du mehan carek bi kurdî û tirkî derdikeve gihîşt hejmara xwe ya 20’î. Kovarê di hejmara xwe ya gulan û pûşperê de dosyaya xwe li ser “Raperîna Nan a Amedê” ku di sala 1880’yan de qewimiye amade kiriye.

Kovarê dosyayeke balkêş amade kiriye. Bi dosyayê berê xwendevan dide mijareke berî bi 133 berê. Di wê demê de li Amedê serîhildaneke li dar dikeve ku di nav wan de ji gelek gelan mirov hene. Akademîsyen Ozge Ertema li ser vê raperînê sekiriye. Ew dibêje ku ji her dorhêlê gelê Amedê li dijî buhabûnê û xizaniyê li hemberî serdestan bi hev re serî hildaye. Her wiha di vê çarçoveyê de li ser serdema niha Înanç Yildiz ligel Yuksel Genç hevpeyvînek saz kiriye. Genç ku Koordînatora Navenda Lêkolînên Qadî ya Sosyo-Polîtîk e li ser serdema niha disekine. Genç dibêje ku Stenbol jî tê de li 33 bajaran nifûs kêm bûye lê li bajarên Kurdistanê zêde bûye û ev jî dê xizanî û newekheviya aborî ya li herêmê girantir bike.

Tahirxan Giravî berhema Sofoklîs a bi navê Antigone wergerand kurdî. Zelal Sahidenur Sari ligel wî hevpeyvînek kir. Giravî di hevpeyvîna bi sernavê “Sofoklîs balê dikişîne ser Dayikên Şemiyê” de dibêje “Ji ber behsa Dayikên Şemiyê dike min xwest wergerînim kurdî.” Hevpeyvîneke din jî ligel rojnameger Murat Bayram hatiye kirin. Bayrem ku pirtûka “Belkî Îşev Binive” nivîsîbû dibêje, “Em hewceyî nûçeçîrokên îro ne!”

Li aliyê de hin nivîskaran li ser hin karekterên dîrokî nivîsên xwe pêşkêş kirine. Di vê çarçoveyê de Ayhan Erkmen li ser Osman Sebrî, Mehmet Bayrak li ser Yilmaz Guney, Mela Mihyedîn jî li ser Seyadê Şamê nivîsiye.

Bariş  Avşar, Mesut, Recep Maraşli, İsmail Beşikçi, Arif Aslan, Ali Yavuz, Sezai Sarioglu û Elif Eser bi nivîsên xwe di vê hejmarê de cî girtine.

Her wiha Dilaopê di vê hejmarê de cih daye helbestên van helbestvanan:  Selim Temo, Firat Keklîk, Reyhan Sarhan û Muslum Aslan. Li aliyê din Fewzî Bîlge jî bi wêneyên xwe rûpelên vê hejmarê xemilandiye.  

Ji bo tekilî û xwestinê:

Telefon: 0543 488 69 96

E-mail: dilopdergisi@gmail.com

Malper: kovaradilop.net

e-mail: dilopdergisi@gmail.com