Diyarname

Pêşkêşvana Kanal 26 a bi navê Noelia Novillo bi şaşiya 'Shakespeare' li dinyayê bû navdar. Ji ber ku wê Shakespeare tevlihev kirin.

Kesekî bi navê William Shakespeare heye ku li dinyayê ew duyemîn kes bû derziya Covid-19 lê dabûn. Ew kesek bi temen bû û niha ew mir. Pêşkêşvana Kanala 26 a Arjantînê Novillo nûçeya mirina vî Shakespeareyê pêşkêş dikir lê bi şaşî got, "Hosteyê wêjeya îngilîz û yek ji navên girîng". Bi vê yekê re li dinyayê navdar bû. Li ser tora civakî ev vîdyoya wê pêşkêşvanê her belav bû û gelek kesî jî şirove kir. Yek ji wan wisa şirove kir: "Wisa diyar e Îngilistanê 400 sal berê li hemberî vîrusê em hişyar kirine, lê ew jî hê Çînê sûcdar dikin." Piştî gelek şiroveyan pêşkêşvan Novillo vidyoyeke din parve kir, xwe parast lê êdî veger nîn bû.
William Shakespeare helbestvan, nivîskarê metnên şanoyê û lîstikvan bû; yek ji navdartirîn kesê ji wêjeya îngilîz bû. Ew di navbera salên 1564-1616'an de jiya ye. Pirtûkên wî ji bo gelek zimanan hatine wergerandin. Ji bo kurdî jî ji aliyê Kawa Nemir ve hatine wergerandin.

Vaye ew vîdyo: