PARÎS
Rojnameya Le Figaro nivîsî ku li Tirkiyeyê pevçûn dijwar bûne û kurd bi kîn û hêrsê li balafirên şer ên ji Amedê radibin mêze dikin. Rojnameyê diyar kir ku bi hezaran kes hatine girtin û cih da gotina xebatkarê qehwexaneyekî ya wekî, “Her kes ji girtinê ditirse, yên tevlî xebatên siyasî jî nabin...”

Rojnameya Le Figaro ku tîraja wê gelek zêde ye, gengeşiya zêde bûye bi ser navê “Li Tirkiyeyê serhildana Kurdan car din dest avêt çekan” ji Amedê nivîsî.

KURD BI NIFRÎN MÊZE F16’AN DIKIN

Rojnameya ku dengê balafirên şer ên ji Amedê radibe vegot û wiha nivîsî: “Hêj dengê F16’an tên. Kalên di bin bircên bajarê kurdan Amedê yên ku hezaran salan dîroka wan heye de rûdinên ji nişke ve destê xwe didin ber çavê xwe û bi kîn û hêrsê li balafiran mêze dikin.”

Rojname bal dikişîne ser bombebarana ku ji meha gelawêjê ve dest pê kiribû û dibêje van rojan zêde bûne. Rojnameyê destnîşan kir ku ji nîva hezîranê heta niha 135 kesan jiyana xwe ji dest daye û li Kurdistanê qişleyên leşkeran, polîs û karwanên leşkeran dibin armanca êrîşên gerîlayan.

Rojname dide zanîn ku Enqereyê jî para xwe ji êrîşan girtiye û êrîşa Teyrênbazên Kurdistan (TAK) ya li Enqereyê bi bîr xist. Her wiha rojname balê dikişîne ser revandina mamosteyan yên ji aliyê gerîlayan ve hatine desteserkirin û salên 90’î bi bîr anî.

PÊŞÎLÊVEKIRINA DEMOKRATÎK BÛ BÎRANÎNEKE DILÊŞ

Rojname destnîşan dike ku hêviya ku bi “pêşîlêvekirina demokratîk” îro vegeriyaye “bîranîneke dilêş” û wiha dinivîsîne; “Di nava du salan de nêzî 3 hezar nuner û siyasetmedarên Kurd bi hinceta “têkiliya wan bi rêxistina terorê” re hene, hatin girtin û avêtin girtîgehê. Her wiha di roja înê de jî 3 şaredarên Kurd ên girîng û 34 kesên din hatin girtin. Divê mirov bîlançoya bi hezaran kesên ku li pişt şibakên hesinî jî li ser vê zêde bike.”

 Serokê Komeleya Navenda Lêkolînên Civakî ya Dîcleyê (DÎTAM) Mehmet Kaya ji rojnameyê re diaxive û dibêje; “Girtîge tije bûne û ser de avêtine”. Rojname diyar dike ku nûner û rêveberên saziyên sivîl tu carî beşdarî tekoşîna çekdarî nebûne û diyar dike ku Kaya destnîşan dike ku êdî ji bo ew banga agirbestê li PKK’ê bikin, tu hincetek nemaye. Kaya radigihîne ku di civakê de radîkalbûn pêş dikeve û dibêje; “Dema her kes van girtinan dibîne, heta kesên ku çalakiyên PKK’ê şermezar dikin jî, dibêjin ku êdî riyas siyasî Kurdan nagihîne tu derekê.”.

HER KES JI GIRTINÊ DITIRSE

Rojname balê dikişîne ku piştî seat dibe 18.00 maseyên li derdorê kaniyan vala dimînin û gotinên xebatkarên qehwexaneyeke ku nêzî BDP’yê ye wiha radigihîne: “Her kes ji girtinê ditirse, kesên ne di çalakiyên siyasî de jî ditirsin. Her ku diçe tirs û kîn bi hev re mezintir dibin.”

Parlementerê CHP’ê Sezgîn Tanrikûlû jî diyar dike ku ji bilî nêzîkahiya ewlehiyê, tu ramanên wê yên çareserkirina pirsgirêkê tune ne.

DÎSA RIYEK A ŞERMOK HEYE

Rojname operasyona dersînor a ku dibe a niha pêk were, kirîna predatoran a ji DYA’yê, her wiha daxuyaniyên tund ên Serokwezîtê Tirk Recep Tayyîp Erdogan jî dinirxîne û dibêje; “Îro pencereya hevdîtina hatiye girtin. Rêber tevgera gerîlayan ê ku heta dawiya temenê xwe ceza girtî ye, di Girava Îmraliyê de tê îzolekirin: Ji meha tîrmehê ve parêzerên wî nikarin bi wî re hevdîtin pêk bînin.”

Rojname dibêje; “Dîsa ji bo ji astengiyê derbikeve riyeke şermok heye” û balê dikişîne ser vegera Meclîsê ya parlementerên BDP’ê.

Ji ANF'ê hatiye gritin