Diyarname

Cemiyeta Rojnamegerên Tirkiyeyê (TGC) li ser "Roja Rojnamegerên Hatine Kuştin" daxuyaniyeke weşand û got ku li Tirkiyeyê her ku diçe sansur û oto sansur zêde dibe.

Li Tirkiyeyê roja 6'ê avrêlê wekî "Roja Rojnamegerên Hatine Kuştin" tê bibîranîn. Roja 6'ê avrêla 1909'an de rojnamegerê tirk Hasan Fehmî hatiye kuştin, loma îro ev roj hatiye qebûlkirin. Di vê rojê de rêveberiya TGC'ê daxuyaniyeke nivîsî weşand û got, "Piştî kuştina Hasan Fehmî jî kuştina rojnamegeran ranewestiya. Heta niha ji fikrên cuda 66 hempîşeyên me hatine kuştin. Yên ev plankirine û yên tetik kişandine heta niha derkexistina hoLê. Li Meclisa Tirkiyeyê dosyeya rojnamegerên kiryar nediyar nehatiye nirxandin."

Di daxuyaniyê de hatiye gotin ku saziyên dewlet û aborî ji bo bêdengkirina saziyên medyayê têne bikaranîn û wisa hatiye gotin, "Oto sansur û sansur her zêde dibe. Li hemberî rojnamegerên serbixwe yên di çapemeniya mezin û ya herêmî de êrîşê bi gotin û fîzîkî didomin û kesên van yekan dikin nayên cezakirin. Ji ber yên êrîşê rojnamegeran dikin bi 'bêcezayê' têne parastin hindik maye rojnamegerên din jî bêne kuştin."

TGC'ê di vê rojê de ji bo rojnamegerên di nav rewşeke giran de kar dikin rewşeke bi tendurist û aramî xwestiye, 66 rojnameger bibîr aniye û gotiye, "Emê helwesta xw eya parastina pîşeya rojnamegeriyê bidomînin."