Diyarname

Rainer Werner Fassbinder lîstikvan, derhêner, sazkarê fîlman û nivîskarekî alman e. Ew wekî yek ji nûnerên girîng ê "Sînemaya Nû ya Alman" tê hesibandin. Niha ji fîlmên wî çend jê li Sînemaya Modern li pêşberî temaşevan in.

Rainer Werner di jiyana xwe de bi dehan fîlmên metrajdirêj kişandine, bi van fîlman di festîvalên navdar de xelat girtine. Ji wan li Berlînê "Hirça Zêrîn", li Cannesê "Palmiyeya Zêrîn" û li gelek festîvalên din xelat girtine.

Niha ji fîlmên wî 5 fîlm ji aliyên Modern Sînema ve bê pere têne nîşandayîn. Di nav van de yekem fîlmê wî yê metrajdirêj "Katzelmacher / Kerxanecî" (1969),  "Die Ehe der Maria Braun,/Zewaca Maria Braun (1978),  "Angst essen Seele auf /Tirs dihê dikoje (1974),  "Effi Briest" 1974)  û  "Satan's Brew / Şeytanê Bêehlaq" (1976) hene.

Her wiha fîlmê Oskar Roehler ê bi navê "Enfant Terrible" (Zarokê Şûm) ku li ser jiyana Fassbinder kişandiye jî dê bê nîşandayîn. Fîlm li ser malpera Istanbul Modernê heta 30'yê adarê bê pere têne nîşandayîn. Ji bo temaşekirinê navqeydkirin têrê dike.

Bername bi vî rengî ye:

18-20 adar: "Katzelmacher / Kerxanecî"

20-22 adar:  "Angst essen Seele auf /Tirs dihê dikoje.  

22-24 adar: "Effi Briest"

24-26 adar: "Satan's Brew / Şeytanê Bêehlaq"

26-28 adar: "Die Ehe der Maria Braun,/Zewaca Maria Braun

28-30 adar: "Enfant Terrible / Zarokê Şûm"

Kurteagahiyeke li ser wî: Fassbinder ku di sala 1945'an de hatibû dinê, roja 10'ê pûşpera 1982'yan de li mala xwe mirî hat dîtin. Di encama otopsiyê de hat gotin ku ji ber qeyrana dil miriye. Lê texmîn ew e ku gelek kokaîn kişandiye, xebên ji bo xewê ligel alkolê vexwariye loma dilê wî îflas kiriye. Piştî mirina wî jî 3 senaryoyên wî kişandin fîlm.