Diyarname
Kovara Nûbiharê ku sê mehan carek derdikeve bi hejmara xwe ya 154’a li pêşberî xwendevanên xwe ye.
Kovara Nûbiharê di sala xwe ya 29’an de hejmara xwe ya zivistanê derxist. Bi vê hejmarê de 24 cîldên Nûbiharê temam bûn. Di kovarê de gelek nivîsên cur bi cur hatine weşandin. Ji wan nivîsan Rohat Alakom xwendekaran dibe sala 1931’ê. Di bin sernavê “Têxnîkûma Kurmanca” de balê dikişîne ser Xwendegeha Mamosteyên Kurd ya li Rewanê.
Nevzat Emîroglu nivîsa xwe bi sernavê "Cihê Sultan Selaheddîn û Dewleta Eyûbî di Dîroka Kurdan de" pêşkêş kiriye. Ew li ser wê serdemê agahiyan pêşkêş dike. Ji nivîsên li ser dîrokê Îsmaîl Şemis jî bi mijara "Aras û Sebelan û Fermanrewayiya Kurdan ya li wir" ked daye kovarê. Şemis berê xwendevanan dide ser fermanrewayiya kurdan ya li Aras û Sebelanê. Nivîskar Ahmet Aras ku ev çend hejmar in bîranînên xwe ji bo kovarê dinivîse di vê hejmarê de li ser Kaloyê Qizilê sekiniye. Kaloyê Qizilê li dora 115 sal berê li gundê Qizilê ku li ser Sarîqamîşê ye hatiye dinê û paşê gelek nav daye. Ahmet Aras çend macerayên wî girtine dest.
Çend nivîsên bi kirmanckî (zazakî) jî hatine weşandin: Osman Aytar çîrokek, Şaban Şenateş nivîsek û O. Faruk Çetînkaplan wergerek ji Melayê Cizîrî bi kirmanckî pêşkêş kiriye.
Nihat Gultekîn ku ev demek e hevpeyvînan ji bo kovarê amade dike di vê hejmadê hevpeyvîna xwe ya ligel Dr. Nûra Cewarî pêşkêşî xwendevanan kiriye. Cewarî dibêje “Ji bo xwendinê bavê min em davêtine xîretê, xîreta miletiyê!”
Her wiha Suleyman Çevik, Ayhan Geverî, Murad Celalî, Rahmetullah Karakaya, Occo Mahabad, Rojen Barnas, Berken Bereh, Sîpanî, Ferhad Pîrbal, Sidîq Gorîcan, Roşan Lezgîn, Mutî, Abdullah Can, Bamed Serdar, Abdullah İncekan, Mewlana Celaleddînê Romî, Konê Reş, Raif Yaman, Ahmed Arif, Kevok Mizgîn, M. Xalidê Ertoşî, Mehmet Arslan, ‘Elî Kemal Bapîr (Kemalî), Evdilxaliqê Îsa û Lokman Polat keda dane vê hejmarê.
Ji bo têlikî û xwestinê:
Tel&Fax: (0212) 519 00 09
www.nubihar.com
info@nubihar.com