Kenala NRT'ê ya ji berî niha li başûrê Kurdistanê weşana wê ya navxweyî hatibû birîn, ragihand ku hejmarek çekdar li ser ofîsa kanala wan a li Dihokê de girtine.

Di daxuyaniya NRT'ê de wiha tê gotin; "Berpirsê jiyana karmend û rojnamegerên  me yên li Behdînan hikumeta Herêma Kurdistanê ye. Ew çekdarên li ser Ofîsa me de girtine, bi wesayîtên Wezareta Pêşmergeyan hatine. Ji karmendên me re gotin, eger ofîsê vale nekîn emê bişewitînin. Ew çakdar dixwazin ofîsa NRT'ê ya li Dihokê bigrin û lewheya wê bînin xwarê."

Di berdewama daxuyaniyê de wiha tê destnîşan kirin; "Çekdarên li ser ofîsa me de girtine, xwe wekî malbat û xizmên şehîdan didin naskirin. Daxwaz dikin ku hemû karmendên me ji ofîsê derkevin. Her wiha çekdar çûne li ser banê Ofîsê û ala Kurdistanê bi dest bilind kirine. Li ser ban bang dikin 'belê ji bo referandûmê'. Hejmare zêde xelk li ber ofîsa me kombûye. Hinek gefa şewitandina ofîsê dikin."

Ji Rojnewsê hatiye girtin

**

Nûçeyên eleqedar:

- Rawestandina weşana NRT'ê li Silêmaniyê hat şermezarkirin 

- Li Başûr weşana kanala NRT dan rawestandin