Kerkûk

Arşîva dewlimend a beşa kurdî ya televîzyona Kerkûkê ku ji aliyê rojnameger Haşim Cebar ve hatibû parastin, ji aliyê Tora Ragihandina Nûçeyan a Iraqê ve hate desteserkirin û birin Bexdayê.

Haşim Cebar pêşkêşvan û rojnamegerek kevin ê kurd e. 32 salan di beşê kurdî ya televîzyona Kerkûkê de kar kiriye. Di nava 32 salan de hemû berhemên kurdî yên hatin weşandin, li gel xwe arşîv kirîbû. Heşim Cebar diyar kir ku ji bo medya kurdî gencineyek dewlimend bû, lê herî dawî Tora Ragihandina Nûçeyan a Iraqê ve jê hate standin û veguhestin Bexdayê.

HIKUMETA KURD ARŞÎV NEPARAST

Haşim Cebarî ji sala 1986’an ve zêdetirî 30 salan di vê televîzyonê de kar kir. Piştî rûxîna rejîma Baas arşîva beşa kurdî ya vê televîzyonê ligel gel xwe parast. Her çiqas daxwaz ji berpirsên hikûmeta Herêma Kurdistanê dike ku arşîvê jê bigirin û wekî arşîvek neteweyî biparêzin, lê tu kes bersiva daxwaza wî nade.

1950 STRANÊN KURDÎ, FÎlMÊN KURDÎ

Berhemên ku Haşim Cebar li gel xwe paristin, hezar û 950 stranên ku piraniya wan kurdî bûn, 117 drama, fîlm û rêzefilmên kurdî yên reş û spî, li gel 14 dramayên kurdî yên bi reng bûn.

Hamim Cebarî têkildarî desteserkirina vê arşîva ku ji bo kedek mezin dabû diyar kir ku wî ji bo parastinê li deriyê gelek kesan da ku cihek parastî ji bo peyda bikin, lê tu kesê bersiv nedaye, herî dawî li ya Tora Ragihandina Iraqê ve hate desteserkirin û wê wekî milkê ragihandina Iraqê hilînin.
KAMPANYA BÊENCAM BÛ

Arşîva beşa kurdî ya televîzyona Kerkûkê di 21’ê Çile (Rêbendan) de vegestin Bexdayê. Ji bo parastina wê ji aliyê rewşenbîr û aktîvîstan ve kampanya hatibûn destpêkirin, lê bêencam bû.
Rojnews