Diyarname

Li Tirkiyeyê Lijneya Tenduristiyê ev demek e pêşniyarî hikumetê dike ku biryara qedexeya derketina derve bide. Lijne herî dawî duh dîsa li hev civiya û pêşniyarên xwe kirin. Îro hikumeta Tirkiyeyê li hev civiya û biryara qedexeyê da. Li gor biryarê rewş bi vî rengî ye:

- Li hemû bajarên Tirkiyeyê heta biryareke din dawiya hefteyan (Şemî û yekşem) saetên derveyî 10.00-22.00'an de derketina derve qedexe ye. (Yanê bi şev derketin qedexe ye. Ev yek vê hefteyê roja înê dest pê dike)

- Dibistan ku niha di betlaneyê de ne, heta dawiya salê dê venebin û hefteya pêşiya me wekî online dê ders dest pê bikin.

- Hemû maç bê temaşevan dê bêne lîstin (difikiriyan ku beşek temaşevanan bigirin stadan). Heta biryarek din dê maçên li 'Hali Saha'yê qedexe bin.

- Navendên dan û standinê, market, berber û kûafor dê navbera saetên 10.00-20.00'an de vekirîbin.

- Salonên sînemayê heta dawiya salê dê girtî bin.

- Kesên temen bi ser 65'an de dê di navbera saetên 10.00 û 13.00'an de bikaribin derkevin derve. Kesên bin temenê 20'î de di navbera saetên 13.00 - 16.00'an de dê bikaribin derkevin derve. Ji bo yên bin 20'î ku bi awayekî fermî dixebitin îstîsna çêkirine.

- Qehwexane ku hatibûn vekirin lê lîstina lîstikan lê qedexe bû niha bi temamî heta demekê hatin girtin.

- Cihên xwarin û vexwarinê wekî restoran, lokanta, kafe di navbera saetên 10.00-20.00'an de tenê ji bo paket servîs dê vekirî bin û xizmeta "were bigire" bidin.

Restoran, lokanta û kompaniyên xwarinê yên online kar dikin piştî saet 20.00'an dê bikaribin sîparîşê bi ser telefon an jî online re bigirin û ew bixwe dê bibin teslîm bikin.

**

Nûçeya Eleqedar:

- ÎBB'ê li ser Covid-19 hin tevdîr girtin