Diyarname
Îro cara duyemîn di navbera heyeta AKP û BDP'ê de hevdîtin li dar ket. Piştî hevdîtinê mebûsa BDP'ê ya Sêrtê Gultan Kişanak got: "Emê sond bixwin an nexwin dê lijneyên rayedar ên partiya me biryarê bidin."

Duh heyeta AKP û BDP'ê ji bo çareserkirina pirsgirêka sondxwarinê û çûyîna meclisê hatibûn ba hev, îro cara duyemîn hatin ba hev. Di heyeta AKP'ê de Cîgirê Serokwezîr Beşir Atalay, Wekîlên Serokê Koma AKP'ê Nurettin Canikli û Ahmet Aydin û Cîgirê Serokê Giştî yê AKP'ê Haluk İpek amade bûn; di koma BDP'ê de jî Cîgirên Serokê Komê Pervin Buldan û Hasip Kaplan û mebûsa Sêrtê Gultan Kişanak hebûn.

Piştî hevdîtinê Kişanak ji bo çapeminiyê axivî û got: "Em ji serî de dibêjen mesele ne meseleya sondxwarinê ye. Li gor memeclis vîna gel temsîl dike, her kes û partiyên siyasî ku ji gel destûr girtibin gere di vê meclisê de cih bigirin. Li pêşberî vê yekê astengî hebe li hemberî vê dê bitêkoşin. Em wekî koma BDP'ê, ji bo vîna gel bêkêmanî bikeve meclisê me biryar da demekê beşdarî meclisê nebin. Lijneyên rayedar ên partiya me, yê blokê me bi hev re biryar girtibû. Em vê, bi kesî re naxin meseleya bazarê. Piştî vê yekê jî emê sond bixwînin yan na dê partiya û lijneyên rêveber ên partiya me biryarê bidin."

Kişanak got ku meclis ne a AKP'ê ye, Tu partî ji bo beşdariyê ji AKP'ê destûrê nagire. Em jî nagirin. Em bi xwe di lijneyên rêveberên xwe de emê binirxînin, dibe em biguherînin jî, dibe neguherînin jî.

Mebûsa Sêrtê Kişanak got ku di hevdîtina du rojan a bi AKP'ê re wan xwestiye ew bibînin ka ji bo zagoneke demokratîk bê çêkirin rê vekiriye yan na.
Vîna AKP'ê heye yan na ji bo çêkirina zagoneke nû....

Kişanak got ku ew nikare bibêje bi temamî hevdîtin baş çû yan jî xirab derbas bûn. Kinaşak got ku li hemberî metna ku wan pêşkêşî AKP'ê kiribû, AKP'ê tiştek neyînî negotiye lê dîsa jî wan nekariye her du metnên heyî daxin yekê. 

Di hevdîtinê du du metin hebûn. BDP'ê di metna xwe de bal dikişand ser rewşa Hatip Dicle û dixwest ji bo vê yekê gav bêne avêtin lê AKP'ê di vî warî de nexwest gavan bavêje û di encamê de wan nekarî ji her du metnan metnekê derxin.

***

Nûçeya eleqedar.

- Notên ji hevdîtina BDP û AKP'ê