Diyarname
Navdareke dinyayê, li bajarekî mezin ê navdar, pirtûkek navdar girtiye û dixwîne; kovareke navdar a modayê jî ev kiriye nûçe.

Sarah Jessica Parker
Lîstikvana amerîkî ya navdar Sarah Jessica Parker di sala 1965'an de hatiye dinê. Heta niha di gelek fîlm û rêzefîlman de lîstiye û li dinyayê navdar e. Ew zêdetir bi rêzefîlmê "Seks and the City" navdar bû. Rêzefîlmê "Seks and the City" (di navbera salên 1998-2004'an) û paşê bi heman navî bû fîlm. Navê Parker bi vê li dinyayê belav bû.

'Seher' an 'Dawn'
'Seher' pirtûka Hevserokê berê yê HDP'ê, siyasetmedar Selahattin Demîrtaş e. Demîrtaş ew li girtîgehê nivîsî û 12 çîrok têde hene. Pirtûk bi tirkî hat çapkirin û bi ser 2 sed hezarî de hat firotin. Paşê ji bo kurdî (kurmancî û soranî), paşê li zimanên din hat wergerandin ku yek jê jî îngilîzî ye. Pirtûk bi îngilîzî bi navê "Dawn" ji bo îngilîzî hatiye wergerandin.

Niha ev her du hatin ba hev. Ev Parkera navdar ku her li ber çavên dinyayê ye ev pirtûka navdar, pirtûka Demîrtaşî dixwîne. Kovara modayê ya navdar nûçeyek li ser Sarah Jessica Parker weşand û di nûçeyê de wêneyê Parker ku pirtûka Demîrtaş di bin zendê wê de bû jî weşand.