Amed
Busta helbestvanê navdar Cegerxwîn bi merasimekê hate vekirin.

Li Navenda Çanda Ciwanan a Cegerxwîn ya li Kayapinara Amedê
busta Cegerxwîn hate vekirin. Di vekirinê de  Wekîlê Şaredarê Kayapinarê Mahmut Dag, Cîgirê Şaredar Servet Yilmaz, Serokê Odeya Mîmaran Necati Pirinççioglu û xwendekarên Akademiya Cegerxwîn amade bûn.

Di merasima vekirinê de peyama ku Şaredarê Kayapinarê Zulkuf Karatekin ku ji sala 2009'an ve di girtîgehê de ye şandibû jî hat xwendin. Karatekin di peyama xwe de wisa got: "Ez di wê baweriyê de me ku, berhemên ku xwendekarên me derxistine holê dê kedeke wan a çandî û civakî ji bo bajarê me hebe. Ji ber vê yekê hevalên me yên di Akademiya Cegerxwîn de dixebitin, dê keda wam pê çêbibe ku çanda me ya tê asîmîlekirin bigirînin pêşerojê."

Paşê Wekîlê Şaredar Mahmut Dag axivî û got ku di sala 2010'an de navenda wan a çandê vebûye û ji wê rojêö de 2 hezar xwendekar beşdarî qursên cur bi cur bûne."

Piştî axaftina busta Cegerxwîn hate vekirin.