Diyarname
E-kovara çanda populer bi navê "Popkurd" hejmara xwe ya 8'an derxist. Kovarê derhêner Hinêr Saleem* kiriye berg û gotina wî "Ez di navbera edebiyat û sînemayê de mame" weşandiye.
Li ser navê kovarê Omer Bextiyar ligel Saleem hevpeyvînek kiriye. Saleem dibêje ku ew pir dixwaze fîlmekî tirsê çêbike.
Rûpelên hejmara nû ya Popkurdê bi kurtehevpeyvînên ligel rockbêjen kurd ku bi sernavê "Rockbêjen kurd dipeyivin" hatiye weşandin dest pê dike. Hunermendên kurd ên di vî warî de hunera xwe saz dikin ên bi navê Ferec, Harûn Elkî, Wedat Taniş, Ozan Irmak, Mirov di nav vê de cih girtine û dîtinên xwe li ser vê beşa muzîkê anîne ziman.
Kovarê li ser "Wergera ji wergerê" jî nivîseke amade kiriye. Çendek berê Weşanxaneya Nûbiharê romana navdar a Dostoyevskî "Sûc û Ceza" bi kurdî weşandibû û nîqaş li ser vê yekê dest pê kiribû. Popkurdê li ser vê meseleyê ji çend wergêrên kurd dîtin girtiye û weşandiye. Her wiha li ser kirmanckî (zazakî) jî cih daye dîtina çend nivîskarên bi kirmanckî dinivîsin.
Ji bo yên bixwazin bixwînin:
*Têbiniya Diyarnameyê: Navê derhêner "Hinêr Saleem" nivîsîne, wekî "Hinêr" bi kurdî lê "Saleem" bi îngilîzî tercih kirine. Lê heta niha di çapemeniya kurd de wekî Hinar Selîm/Hiner Selîm cih girtibû.
.jpg)
