Diyarname

Li Tirkiyeyê ev jî çêbû: Bi fotoyê kesek din beşdarî pêşbaziyê bû û xelat girt. Lê xelat hat betalkirin.

TGC (Cemiyeta Rojnamegerên Tirkiyeyê) ev 41 sal in pêşbaziya "Xelatên Serketî yên Rojnameya Tirkiyeyê" dide. İsal di warê fotograf de xelat da Reşat Yîgîz ê ji Rojnameya Çagdaş Batman. Piştî ku xelat hatin eşkerekirin, rojnameya Çaşdaş Batman jî ev di rojnameya xwe de wekî serketina rojnameya wan kir nûçe, derket holê ku fotoyê bi navê "Dizên Defîneyan" ne aîdê Reşat Yîgîz e lê aîdê nûçegîhanê AFP'ê Bulent Kiliç e.

Li ser vê yekê Lijneya Rêveberiyê ya TGC'ê daxuyaniyeke nivîskî weşand û got: "EV 41 sal in em xelatê didin, yekemîn car em rastî binhêkirineke wisa bêetîkî tên. Hat fêmkirin ku Reşat Yagîz bi fotoyê Bulent Kiliç beşdar bûye, hem Lijneya Hilbijêr, hem jî raya giştî xapandiye. Reşat Yîgîz ku endamê TGC'yê ye der barê wî de lêpirsîna dîsîplînê hatiye dest pê kirin. Ji ber li gor Rêziknameya TGC'ê tevnegeriyaye, dijî Danezana Berpirsiyarî û Mafan a Rojnamegerên Tirkiyeyû û li dijî rûmeta pîşeyê tevgeriyaye, keda Bulent Kiliç tune hesibandiye, raya giştî xapandiye, ji bo ji TGC'ê bê îxrackirin me serî li Lİjneya Rûmetê daye. Ji ber yekemîn car ev pirsgirêka etîkî qemimiye em xemgîniya xwe pêşkêşî raya giştî dikin."

TGC wê Xelata Serketî ya Fotoyê bide xwediyê rastîn ê fotografê, yanê dê bide Bulent Kiliç.

Li aliyê din Bulent Kiliç ji ser hesabê xwe yê twitterê re nivîsî, "Temam em bibêjin tu dilpolabûyî bêyî nav binivîsî te di rojnameya xwe de çap kir, lê ev dilpolayî ji ku hat te ku te ew ji bo pêşbaziyê şand?"

Fotoyê di pêşbaziyê de serketiye ev e. TGC xelatê dê bide Bulent Kiliç.