Diyarname
Di protestoya li hemberî YSK'ê de mebûsê Amedê Altan Tan ji bo çareseriyê sê gavên ku divê bêne avêtin pêşniyar kir. Tan ev her sê gav wisa rêz kir: "Bila mebûsiya Hatip Dicle bi paş ve bê dayîn, Meclis bi lezgînî kom bibe, mebûsên girtî bêne berdan. Û meclis nekeve betlaneyê û dest bi çêkirina Zagona Bingehîn bike."

Ji bo şermezarkirina biryara YSK'ê ku mebûsiya Hatip Dicle betal kiribû û ji bo daxwaza berdana hemû mebûsên girtî li Silopî, Edene, Bismil, Farqîn, Şirnex, Stenbol jî têde îro li gelek cihan çalakiyên şermezarkirinê li dar ketin. Yek ji van deran jî li Amedê bû. Li Kolana Mêrgî Ehmedê gel hat ba hev û xwest heta Deriyê Çiyê bimeşe, lê li ber Postexaneya Navendî ya Sûrê polîsan pêşî li wan girt. Mebûsê Amedê Altan Tan, Serokê BDP'a Amedê Mehmet Ali Aydin, Şaredarê Sûrê Abdullah Demirbaş ji bo polîs rê vekirin bi rayedaran re axivîn. Piştî ku polîsan rê neda, wan jî li wê derê çalakiya xwe li dar xist, daxuyaniya xwe xwend.

Mebûsê Amedê Tan ji ber destûrnedana meşê waliyê Amedê berpirs dît û got: "Walî û Mehdî Eker dawer bi dawetê bi hev re digerin. Bila walî biaqil be. Bi mebûsên ku 400 hezar deng girtine re neaxive, sibê dê nikaribe li ser wê kursiyê rûne."

Tan xwest ku AKP'ê mebûsa ku girtiye bi paş ve bide û pêşniyarên xwe pêşkê kir.