Diyarname
Vê dawiya hefteyê dest bi firotina bilêtên Festîvala Fîlman a Navneteweyî ya Stenbolê kirin û di du rojan de zêdeyî 60 hezar bilêtî hatin firotin.

30’emîn Festîvala Fîlman a Navneteweyî ya Stenbolê îsal di navbera 2-17’ê avrêlê de li dar dikeve. Bilêtên festîvalê 19’ê mehê dest bi firotina wan kirin. Sînemahezan gelek eleqe nîşan dan. Bilêtên festîvalê li Beyogluyê li salona sînemayê ya Atlas û Beyoglu û li Kadikoy jî li Rexxê dihatin firotin. Her wiha bi ser Biletiksê re jî bilêt dihatin firotin. Di du rojan de zêdeyî 60 hezar bilêt hatin firotin.

Fîlmê “Hespê Torino”, “Flamenco”, “Pina”, “Porteqal û Ronahiya Rojê”, “Dinyayeke Baştir”, “Qet dev ji min bernede” û “Derewên Spî yên Biçûk” jî têde bilêtên 42 seansan bi temamî hatin firotin.
Herî zêde bilêtên fîlmên ên navhefteyê ku bi 4 TL’yî têne firotin zêde eleqe dîtin.

Di festîvala ku têde bi ser 200'î re fîlm dê bêne nîşandayîn, gelek fîlmên kurdan jî hene ku dê derkevin pêşberî temaşevanan.

***

Nûçeyên eleqedar:

- Bilêtên festîvalê têne firotin

- Di Festîvala Fîlman a Stenbolê de fîlmên kurdan derdikevin pêş

- Festîvala Stenbolê peşî diçe dibistanan

- Xelata Rûmetê ya Zekî û Metîn e