Stenbol
Hunermend Fikret Otyam ku 50 sal berê stranên kurdî berhev kiribû û dabû TRT'ê, ew stran hê jî di kaseya TRT'ê de wekî dîlan disekinin. Otyam got: "Bila êdî dîlbûna stranên ku min diyarî kirine xilas bibe."

Wênesaz û rojnameger Fikret Otyam piştî derbeya 27'ê Gulana 1961'ê 50 sal berê stranên bi kurdî berhev kiribû lê ew di kaseya TRT'ê de dîl in. Otyam ku ev 35 sal in tevî jina xwe Filiz Otyam li Antalyayê dijî ji bo rojanameya Akşamê axiviye (12.02.2011) û wisa dibêje:
- Digel dostê min Mustafa Geceyatmaz û teknîsyen Mucahit em ketin rê. Komîteya Yekîtî ya Neteweyî albayekî jî bi me re şandibû. Dema bi şev albay diçû ordîxaneyê me hevpeyvîn dikir. Di vê navê de em rastî stranên ku qet me nebihîstibûn hatin. Bajarên ku ez çûm, li wê derê min 60-65 stranên bi kurdî berhev kirin. Me ew stranên di kasetên ku ji bo TRT'ê me hevpeyvîn dikir de qeyd kirin.

- Min ew band diyarî radyoyê kir (Qala radyoya TRT'ê dike) ji ber ku kaset ê d ewletê bûn. Ji ber ku pereyên min nîn bûn min kopyayek negirt cem xwe. Du sal berê ez hîn bûm, ew kaset di kasayekê de ye û bi mohra li ser nivîsa 'derxistina derve qedexe ye' nivîsandiye û mohr kirine. Tirsa min ew e ku qeyda di kaseta manyetîk de xira bibe. Divê dawî li dîlgirtina 50 salan a van stranan bînin.

- Mezinekî radyoyê ji hevalekî min ê rojnameger re gotiye 'di nêzîk de wê weşana bi kurdî çêbe, wê vê bandê bikar bînin'. Tiştê min aciz kir jî gotiye 'Em nikarin telîfê bidin Otyam'! Ez ji wan telîfê naxwazim. Ez dixwazim wan biweşînin.

Otyam dibêje ku di dema serokwezîriya Bulent Ecevit de wî jêre qala mijarê kiriye lê encamek bi dest nexistiye û wisa dom dike: "Qala pêşîlêvekirinê dikin. Vaye destpêka pêşîlêvekirinê. Di vê kaseyê de bombe nîn e, stran hene. Stranên ku min berhev kiribûn yek jê jî derneketiye derve. Nida Tufekçi ji bo wan berhevkirinan wisa gotibû 'Berhevkirinên Otyam ji bo starên gel wekî xezîneyekê ne.' Dema min ew berhev kirin min ji Serokê Komîteya Yekîtî ya Neteweyî Cemal Gursel re got, 'Paşayê min em carinan di radyoyê van bidin guhdarîkirin dê ne baş be?', Bav Gursel ji min re wisa got, 'Otyam ne te ev gotin got, ne jî min bihîst'."

Di nûçeyê de Xwediyê Kalan Muzîkê Hasan Saltik jî wisa gotiye: "Stranên kurdî ku Fikret Otyam di sala 1961'ê de berhev kirine gelek girîng in. Me gelek xwest van stranan derxin lê em ji brokrasiya di TRT'ê de aciz bûn. Wekî tomarkirinên Otyam bi sedan tomarkirinên wisa hene. Lê 30 sal berê li ser mohrê 'nayên weşandin' nivîsanidne. Brokratên paşê hatine napirsin ku çima wisa hatiye nivîsin. Her kesê tê ji tirsa xwe dest nade wan."

Saltik dibêje di arşîva Wezareta Çandê de hin tengasî hene û wisa dibêje: "Di nav refên tozgirtî de gelek berhemên bi lazî, suryanî hene. Hûn ji Midûrê Giştî yê TRT'ê Îbrahîm Şahîn bipirsin haya wî ji van nirxên hatine qedexekirin tune ye. Tomarkirinên wisa ku Yaşar Kemal jî kirine hene. Tomarkirinên şînê hene. Wê demê sûbayên davêjin ser mala wî dibin. Kî dizane niha li ku ne. Tomarkirinên ku Fikret Otyam ji devê wan kirine ew kes niha mirine. Ew stran hemû tevî wan ketin bin axê."

.