Cenazeya Ebubekir Kalkan (65) ku li Sakaryayê di encama teşebûsa lînçkirinê ya li hemberî DTP'yiyan de krîza dil derbas kir û jiyana xwe jidest da duh êvarkî li Sakaryayê hat definkirin.

Di merasima cenazeyê de mebûsê DTP'ê yê Rihayê Îbrahim Binici, Endamên Meclisa Partiyê Cemal Coşkun jî di nav de bi sedan kes amade bû.

Coşkun di merasimê de got ku dixwazin tirk û kurd bi hev re pev biçin, mebûsê Binici got ku ambulans piştî 45 deqîqeyan hat û têde amûrên tibî jî nîn bûn, wekî ku li benda mirinê bin bûn.

Ebubekir Kalkan ê 65 salî ji navçeya Qerqeliya Wane bû.

Her wiha dozgeriyê der heqê teşebusa lînçkirinê ya li hemberî "Şahiya Aştî û Biratiyê" ku ji aliyê Rêxistina Bajêr a DTP'ê ya Sakaryayê ve duh êvarê hate lidarxistin de, lêpirsîn da destpêkirin.