Enqere
Seroka TUSÎAD'ê Umit Boyner îro çû serdana Koma BDP'ê ya Meclisê û dûre li s er daxwaza 'xweseriya demokratîk' û 'jiyana bi duzimanî' wisa axivî: "Ev daxwaz bi awayekî divê cih bigirin. Qet nebe di pêşnûmaya BDP'ê de wê cih bigirin. Lê civak divê bi awayekî van nîqaş bike."

Seroka Komeleya Karsazên Sanayî ya Tirkiyeyê (TUSÎAD) Boyner di çarçoveya çalakiyên 40'emîn salvegera komeleyê de îro çû serdana BDP'ê. Boyner di heman demê de da zan3in ku wan li ser çareserkirina pirsgirêkan danezaneke amade kirin eû ewê di 1'ê adara de eşkere bikin.

Boyner di heman demê de got ku bendava hilbijartinê temsîliyeta bi edalet xira dike.

Di hevdîtinê de Hevseroka BDP'ê Gultan Kişanak got ku hevdîtina wan baş derbas bûye û 40'emîn salvegera TUSÎAD'ê pîroz kir. Kinaşak diyar kir ku di dema hilbijartinê de wê hemû pêşniyarên xwe yên ji bo çareseriyê bi TUSÎAD'ê re par ve bikin.

Vexwendin Newrozê

Her wiha Hevserokê Selahattin Demirtaş Seroka TUSÎAD'ê Boyner vexwend Newroza Amedê.

Di hevdîtinê de Hevserokên BDP'ê, Wekîlê Serokê Koma BDP'ê Bengi Yildiz, Mebûsê Stenbolê Ufuk Uras jî amade bûn.

Heyeta TUSÎAD'ê piştî BDP'ê çû serdana Serokomarê Berê Suleyman Demirel. Heyet paşê dê here serdana Ak Partî, CHP û MHP'ê.