Diyarname
Li bajakarê Karaçî yê Pakistanê balafirê ku rêwî dibirin li erdê ket. Şaredarê Karaçî diyar kir ku 107 kes têde mirine. Hat gotin ku modela navdar Zara Abid jî di balafirê de bû. Hin ajans dibêjin bi dehan kes û hejmara teqez a miriyan hê diyar nebûye.
Balafirê rêwiyan ê Airbus A320 ku girêdayî Rêyên Hewayî ya Navneteweyî ya Pakistanê bû di navbera Lahor-Karaçî de rêwîtî dikir. Ji ber sedema hê nayê zanîn balafir li Karaçî bi ser malan de ket. Di balafirê de 107 rêwî û muretebat hebûn. Ji ber ku balafir bi ser malan de ketiye hê nayên zanîn di malan de wê çaxê kes hebû yan na û tê gotin ku dibe hejmara kesên mirine zêde bibe.
Bi vîrusa koronayê de rêwîtiya hewayî hatibû rawestandin û ev nêzî hefteyek bû ji nû ve dest pê kiribû. Tê gotin ku di nav rêwiyan de modela navdar a Pakistanê Zara Abdi jî hebû.
Li Pakistanê karên hewayî
Li Pakistanê di 10 salên dawî de çend balafirên din ketin. Di sala 2010'an de balafirek nêzî Îslamabadê ket û 152 kes mirin.
Di sala 2012'yan de li Rawalpindi balafir ket 126 kes têde mirin.
Di sala 2016'an de jî dema balafirek ji aliyê bakurê welat ber bi Îslamadê ve bi firê ket afir pê ket û 47 kes têde mirin.