Diyarname

Leşkerê berê Tom Moore ku di Şerê Cîhanê yê 2'yemîn de li hemberî Almanyaya Nazî şer kiribû niha bi mijarek din di rojevê de ye. Moore ku di avrêlê de ketibû 100 saliya xwe di dema pandemî de ji bo piştgiriyê kampanyayeke dabû dest pê kirin. Ew ne li benda eleqeyeke wisa bû lê bi tam temamî 33 mîlyon sterlîn berhev kir.

Li ser vê yekê hikumeta Îngilistanê biryar da ku nîşaneya Şovalyetî bidin wî. Serokwezîrê Îngilistanê Boris Johnson wisa gt: "Serbaz Tom kampanyayeke mikemel çêkir ku rekor şikand, di vê serdema şerê li hemberî vîrusê de ji bo welat bû mînak. Li ser navê her kesî ez sipasiya wî dikim. Ew lehengekî neteweyî yê rastîn e."

Serokwezîrê Îngilistanê Johnson ji bo BBC got ku dê nîşaneya şovayetî bidin wî û ew êdî dê wekî "Sir Tom" bê bibîranîn.

Keça wî Hannah Ingram-Moore jî wisa gotiye: "Dayîna nîşaneya şovalyetî ji bo bavê min kir ku em malbat hemû rûmetdar bibin. Bavê min ku kesekî awarte ye vê yekê zêdetir heq dike."

Kralîçeya Îngilisanê Elazabeth a Duyemîn li ser kampanyaya Tom Moore gotibû ku ew xelateke taybet heq dike û ew pîroz kiribû.

Li aliyê din Tom More bi vê kampanyaya xwe ket nava Pirtûka Rekoran Guinnesê jî.

**

Nûçeya Eleqedar:

- Di serdema koronayê de çîroka zilamê 100 sedsalî