DiyarName.Com

Arşîva Feqî Huseyîn Sagniç hate dizîn

Kes an jî kesên nasname nediyar ketin mala nivîskar û zimanzanê rehmetî Feqî Huseyîn Sagniç û gelek dîsket û dokumanên k

Dîrok: 30/12/2010

Beş: Nûçe

STENBOL
Kes an jî kesên nasname nediyar ketin mala nivîskar û zimanzanê rehmetî Feqî Huseyîn Sagniç û gelek dîsket û dokumanên ku Feqî Huseyîn xebatên xwe li ser tomar kiribû û laptopek û çifteyeke bi risqet dizîn. Piştî du rojan çifte anîn danîn ber derê.

Kurê feqî Huseyîn Sagniç, Azad Sagnıç li ser meseleyê wisa got: “Balkêş e ku kesên ketine hundir rastrerast çûne pirtûkxaneyê û dîsketên aîdî bavê min û dokumanên aîdî bavê min birine. Hemû dîsketên aîdî bavê min dizîn. Gelek tiştên bi diravî giran buha hebûn lê wan dîsketên bavê min birine. Me agahî da polîsan. Hatin bi awayekî yarîkar gotin, 'Çima li vê malê ew qas pirtûk hene?' Şopa tiliyan girtin û çûn.

Feqî Huseyîn Sagniç di sala 1926’an de li gundê Xorosê yê Hîzanê hatibû dinyayê. Di jiyana wî de gelek nivîsên wî hatine weşandin. wî, pirtûkên bi navê Hevîsîna Zimanê Kurdî 1 û 2, Rêzimanê Kurdî, Dîroka Wêjeya Kurdî, Çîrokên Kurdî nivîsandibû û wergera Yusuf û Zuleyxa ji bo kurdî kiribû. Feqî ku yek ji rêveberên Enstîtuya Kurdî ya Stenbolê bû, di 12'yê adara 2003’yan jiyana xwe ji dest dabû.