Diyarname

Li dinyayê ji ber vîrusa koronayê salonên sînemayê hatine girtin. Li Teksasa Dewletên Yekbûyî yên Amerîkayê (DYA) çareyeke ji bo vê yekê dîtin: Kompaniyek otopark veguhast sînemaya salonê û fîlm nîşanî temaşevanan dan.

Li gor nûçeya Zack Sharf a di "IndieWire" de, li navçeya Schertz a Teksasê, kompaniya "EVO Entertaiment" otopark ji bo demekê veguhart salona sînemaya ser vekirî û fîlm nîşanî temaşevanan dan. Kompaniyê ji bo nîşandayînê dîwarê otoparkê bi boyaxê sipî boyax kir û ji bo deng here temaşevanên li nav erebeyên xwe rûniştî jî pergala radyoyê AM/FM bikar anî.

Yekem nîşandayîn 27'ê adarê dest pê kir û heta 3'yê avrêlê ji bo hemû cihî rezerve hat kirin. Yekem wekî wekî "Spider-Man: Homecoming" nîşan dan. Paşê fîlmên wekî "Grease"  û "Top Gun" jî hatin nîşandayîn. Fîlm bê pere hatin nîşandayîn.

Li navçeyê saet 22'yê êvarê qedexeya derketina derve dest pê dike, loma nîşandayîn jî wisa saz kirine ku berî 22'yê êvarê bi dawî dikin.