Diyarname
Mark Zuckerberg îdîayeke wisa anîbû ziman: "E-mail jî wê wekî nameyan têk herin." Niha lêkolînên dawî rastiya gotinê tînin ziman.

Kovara Time avakarê Facebookê Mark Zuckerberg wekî "Mirovê Salê" hilbijartibû. Ev Zuckerberg ku bi Facebookê li dinyayê bû navdar çend meh berê îdîayeke wisa anîbû ziman: "Çawa name êdî nayên şandin û di nav dîrokê de cihê xwe girtin, e-mail jî dê wisa bibin û êdî neyên şandin."

Li ser vê daxuyaniyê re çend meh derbas nebûn lêkolîneke diyar kir ku di hejmara şandina e-maila a ji aliyê bikarhênerên înternetê de daketineke berbiçev dixuye.

Li gor şîrketa îstatîstîkan comScore yên temenê wan di bin 25'an de ye dema înternetê bikar tîninz e-mailan bikar naynin. Di lêkolînê de derket holê ku hejmara kesên ku dikevin Yahoo!, Mail, Gmail û Hotmailê kêm bûye.

comScore dibêje ku tenê li Îngilistanê ji rezbera 2009'an heta niha 1.2 mîlyon kesên ku e-mail bikar dianîn kêm bûye. Di bikaranîna Facebookê de jî ji rêbendana îsal ve hejmara bikarhênerên Facebookê 1.3 mîlyon zêde bûye.

Bikarhênerên ciwan êdî dema înternetê bikar tînin ji dêvla şandina e-mailê sohbeta online tercih dikin.